یەكگرتوو: كورد دەبێت ئەمری واقیع بسەپێنێت و دەوڵەتی كوردستان رابگەێنێت
خواكوڕك
لە پانێلێك دا بەناونیشانی”رەهەندە سیاسییەکانی بەدەوڵەتبوونی باشوری کوردستان” هادی عەلی سەرۆكی ئەنجوومەنی سیاسی یەكگرتووی ئبسلامی لە گوتارێكی دا رایگەیاند،گەلی کورد مافی خۆیەتی وەک گەلانی دیکەی جیهان خاوەنی دەوڵەتی سەربەخۆی خۆی بێت و لە ڕوانگەى ئیسلامیشەوە هیچ بەربەستێک نەبووە بۆ ئەوەى کورد ببێتە خاوەنى دەوڵەتى خۆى هەروەها گوتی،لە ئێستادا دەبێت کورد ئەمری واقیع دروست بکات و فەرزی بکات و دەوڵەتی سەربەخۆیی ڕابگەینێت”.
هەروەها هادی عەلی كە زانكۆی سەلاحەدین پانێلەكەی ئەنجامی دابوو، لە گوتارەكەی دا دەشلێت دەوڵەتی كوردستان هیچ بەربەستێكی نیە لەناو ئیسلامدا، دەلێت خوای گەورە دونیای وا دروست كردووە، كە لەرووی كۆمەڵایەتیەوە گەلان لەیەك جیاوازن، بۆیە هەموو مرۆڤەكان لەجیهاندا بەیەكەوە مافی یەكسانیان هەیە”.
شایانی باسە، لە ١١ی نیسانى ٢٠١٧ شاندی باڵای پارتی و یەکێتی بە سەرپەرشتی مەسعود بارزانی سەرۆكی هەرێمی كوردستان کۆبوونەوە و بڕیاریان دا لیژنەیەکی باڵا لە لایەنەکانی هەرێم پێکبهێنن بۆ گفتوگۆکردن لەگەڵ لایەنە عێراقییەکان لەسەر ئەنجامدانی ڕیفراندۆم.
