ئه‌نجوومه‌نی وه‌زیران له كۆبونه‌وه‌دایه بزانه كۆبونه‌وه‌كه له‌سه‌ر چیه؟
خواكوڕك
ئه‌نجوومه‌نی وه‌زیرانی حكوومه‌تی هه‌رێمی كوردستان، كۆبوونه‌وه له‌سه‌ر چه‌ند ته‌وه‌رێكی ناوخۆیی ده‌كات و ئه‌گه‌ری هه‌یه باس له پاشه‌كه‌وتی مووچه‌ش بكرێت له كۆبونه‌وه‌ی ئه‌مڕۆدا.
پێش نیوه‌ڕۆی ئه‌مڕۆ یه‌كشه‌مه 14/5/2017 به سه‌رۆكایه‌تیی (نێچیرڤان بارزانی) سه‌رۆكی حكوومه‌تی هه‌رێمی كوردستان، كۆبوونه‌وه‌ی ئه‌نجوومه‌نی وه‌زیران ده‌ستی پێ كرد و بڕیاره گفتوگۆ له‌سه‌ر چه‌ند ته‌وه‌رێك بكرێ، له‌وانه ڕاپۆرتی ده‌سته‌ی ده‌ستپاكی و داوای زیادكردنی دامه‌زراندنی مامۆستایانی وه‌زاره‌تی په‌روه‌رده و چه‌ند بوارێكی تر.
جگه له‌و ته‌وه‌رانه، چاوه‌ڕێ ده‌كرێ جارێكی تر گفتوگۆ له‌سه‌ر ئه‌نجامی سیسته‌می بایۆمه‌تری و بڕیاره‌كان له‌سه‌ر بكرێت كه خه‌ریكه ته‌واو ده‌بێ.
هه‌روه‌ها پێشبینیش ده‌كرێ له‌باره‌ی گۆڕانكارییه‌كانی پاشه‌كه‌وتی مووچه گفتوگۆی تری له‌سه‌ر بكرێته‌وه، چونكه پێشتر حكوومه‌ت ڕای گه‌یاندبوو كه گۆڕانكاری به‌سه‌ردا دێت.
