راوێژكاری یوسف محەمەد، ئێران بە نەوشێروان مستەفا گوت رۆڵی تۆ تەواو بوو

خواكوڕك 

مەجید ساڵح، ڕاوێژکاری یوسف محەمەد، لە گوتارێكی دا باس لەوە دەكات رۆژنامەنووسێكی ئێرانی لەدوای 17ی شوبات سەردانی نەوشێروان مستەفای كردووە، پێی راگەیاندووە ئیتر دەوری تۆ تەواو بووە، رۆژنامەنووسەكە پێی گوتووە،  پێم وایە تۆ ئەگەر لەمەولا هیچ ئیشێكیش نەكەیت ئەركی خۆتت بەرامبەر بە میللەتەكەت جێبەجێ كردوە كە توانیووتە نەوەیەك پەروەردە بكەیت”.

ئەو راوێژكارە باس لە سەردانێكی رۆژنامەنووسێكی ئێرانی دەكات بەناوی ماشەڵا شمس واعزیین كە سەردانی نەوشێروان مستەفای باس لە گفتوگۆیەكی نێوان نەوشێروان مستەفا و ئەو رۆژنامەنووسە دەكات و دەلێت نەوشێروان مستەفا پرسیاری لە شمس كردووەو  لەپرسیارەكانی نەوشیروان ئەوەبوو لە شەمس، بۆچی پاكستان كە هێشتا نەریتی خێڵ تێدا باڵا دەستە لە ئێران دیموكراسیترە، كە دەمێكە خاوەنی شارستانیەتن؟! لە وەڵامدا شەمس گوتی چونكە بریتانیا كە پاكستان و هیندستانی داگیر كرد حاكمەكان ئینگلیز بوون و نەریتی دیموكراسی خۆیانیان پەیڕەوكرد، بەڵام لە ئێران بریتانییەكان لە رێگەی شایەكەوە فەرمانڕەوایی ئێرانیان دەكرد كە هەر بە مولهوڕی و نەریتی رەعیەت و حاكم پەروەردەكرابوو، بۆیە تا ئێستاش ئەو نەریتە لە پاكستان ماوە لە ئێرانیش هەمان نەریتی فەرمانڕەوایی هەیە..

پاشان ئەو راوێژكارە باس لەوە دەكات كە رۆژنامەنووسە ئێرانیەكە، بە نەوشێروان مستەفای گوتووە، كە رۆڵی تۆ لەكوردستان تەواو بووە، ئەم گوتارانەی بزووتنەوەی گۆڕان لەكاتێكدایە، كە نەوشێروان مستەفا پاش نزیكە ساڵێك لە رۆشتنی بۆ وڵاتی بەریتانیا، لەئێستادا گەراوەتەوە، بۆ كوردستان و بەگوێرەی سەرچاوەی میدیاكانی یەكێتی و گۆڕان نەوشێروان مستەفا تاوەكو ئێستا هیچ بەرپرسێكی باڵای گۆڕانی نەبینیوە، هیچ كەسێك ئاگاداری دۆخی نەشێروان مستەفا نیە، پێشتر خواكوڕك لەزاری سەرچاوەیەكی ئاگادار ئاشكرای كرد كە نەوشێروان مستەفا نەخۆشیەكی گوشاری زۆری بۆ هێناوە، ئێستا لەزار كەوتووە، بەگەرانەوەشی پێدەچێت دۆخی تەندروستی هیوا بڕاو بێت، بیەوێت هەر لەكوردستاندا بمێنێتەوە”.