ئه‌ردۆگان به‌ره‌و ئه‌مریكا به‌ڕێكه‌وت لەگەڵ ترەمپ کۆدەبێتەوە
خواکوڕک
“ره‌جه‌ب ته‌یب ئه‌ردۆگان ” سه‌رۆك كۆمارى توركیا به‌مه‌به‌ستى كۆبونه‌وه له‌گه‌ڵ “دۆناڵد ترامپ ) سه‌رۆك كۆمارى ئه‌مریكا به فڕۆكه‌ى تایبه‌تى (جان) كاتژمێر (9:25 ) به‌ره‌و واشنتۆن به‌ڕێكه‌وت .
هه‌ریه‌ك له (عه‌لى مورات ئه‌رسۆى) باڵیۆزى توركیا له په‌كین و (یوهۆنگیانگ) بالێۆزى چین له ئه‌نقه‌ره وژماره‌یه‌ك به‌رپرسى دیكه (ئه‌ردۆگان) یان له فڕۆكه‌خانه‌ى نێوده‌وڵه‌تى په‌كین به‌ڕێكرد .
هاوكات هه‌ریه‌ك له( به‌كر بۆزداغ ) وه‌زیرى دادى توركیا و (مه‌ولوود چاوشئۆغلو) وه‌زیرى ده‌ره‌وه‌و ( نیهاد زه‌یبه‌كچى ) وه‌زیرى وزه‌و سه‌رچاوه سروشتیه‌كان و (به‌رات ئاڵباریراك) وه‌زیرى به‌رگرى و ( فكرى ئیشك ) و ( ئه‌مینه ئه‌ردۆگان ) هاوژینى (ئه‌ردۆگان ) یاوه‌رى سه‌رۆكۆمارى توركیا له گه‌شته‌كه‌یدا ده‌كه‌ن .
وابڕیاره سبه‌ینێ 16ى ئایار له واشنتۆن سه‌رۆك كۆمارى توركیا له‌گه‌ڵ سه‌رۆك كۆمارى ئه‌مریكا كۆده‌بێته‌وه و دواتریش كۆبونه‌وه‌ى شانده‌كانى نێوان هه‌ردوولا به‌ڕێوه ده‌چن بۆ تاوتوێكردنى چه‌ند پرسێك تایبه‌ت كه تایبه‌ته به دۆخى توركیا وپه‌كه‌كه‌و پڕچه‌ككردنى په‌یه‌ده له‌لایه‌ن ویلایه‌ته یه‌كگرتووه‌كانى ئه‌مریكاو پرسى سوریا له ناوچه‌كه دا .
