عەلی حەمە ساڵح هەرەشە لەكۆسرەت رەسوڵ و هێرۆخان دەكات
خواكوڕك
عەلی حەمە ساڵح یەكێك لەو سێ پەرلەمانتارەی كە گوتیان 360 شوقە لە وڵاتی ئەلمانیا هەیە هی بەرپرسێكی یەكێتە دەلێت:به‌پێیویستی ده‌زانم ئه‌م دۆسیه‌و چه‌ندین دۆسییه‌ی دیکەى گه‌نده‌ڵی و ناشه‌فافی، که په‌یوه‌سته به به‌رپرسانی یه‌کێتی و سنوری سلێمانی لێره‌دا بخه‌مه ڕوو دەلێت: نامه‌وێت دۆسیه‌ی بردنه ده‌ره‌وه‌ی پاره ته‌نیا له شوقه‌کانی نزیک دۆسڵدۆرف له ئه‌ڵمانیا کورتبکه‌ینه‌وه، چونکه ئهو پاره‌ی له کوردستانه‌وه براوه‌ته ده‌ره‌وه سه‌دجار له نرخی ئهو شوقانه زیاتره. دەلێت: به‌ڵێ چه‌ندین به‌ڵگه‌نامه‌و زانیاریمان لایه له‌سه‌ر ئهو ملیاران دۆلاره‌ی چووه‌ته ئه‌ڵمانیا و سویسرا، به‌ڵگه‌مان لایه ١٣ ملیار دۆلار له ڕێگای پێنج بانکی کوردیه‌وه ڕۆشتووه، که دیار نیه کێ بۆ کێی ناردووه!”.
هەروەها عەلی حمە ساڵح دەشلێت: زانیاریمان له‌سه‌ر شوقه‌و ڤێلاو موڵکه‌کانی دۆسڵدۆرف و کۆڵن و بۆن و شوێنی دیکه‌ش هه‌یه، که هی به‌رپرسانی حیزبه‌که‌ی جه‌نابتانن و په‌یوه‌ندیان به نه‌وتی که‌رکوک و شه‌راکه‌تی چه‌ند به‌رپرسێک هه‌یه، هەرەوها دەشلێت، ئه‌مه جگه له شه‌ش ملیار دۆلاری “شیرینی نه‌وت” که به‌پێی قسه‌ی پارتی به‌شێکی دراوه‌ته حیزبه‌که‌ی جه‌نابتان. کوا؟ لای کێیه؟
هەر لەبارەی داهاتی مانگانەی سلێمانی ئەو ئەندام پەرلەمانەی گۆڕان دەشلێت:داهاتی مانگانه‌ی سلێمانی نزیکه‌ی ٥٠ ملیۆن دۆلاره، ئه‌م پاره ناگه‌ڕێته‌وه بۆ هه‌ولێرو ته‌نیا به ژماره ده‌گه‌ڕێته‌وه، له‌م پاره موچه‌ش خه‌رجناکرێت، هه‌رچه‌نده پارێزگارو ئه‌نجومه‌نی پارێزگا بۆ زانینی خه‌رجکردن و چاره‌نووسی هه‌وڵیاندا، به‌ڵام بێ ئه‌نجام بوو، بۆیه دیاره ئه‌م پاره بۆ مه‌به‌ستی که‌سی و حیزبی به‌کاردێت، ئه‌گه‌ر وانییه، بفه‌رموون یه‌ک مانگ ورده‌کاری خه‌رجکردنی داهات بهێننه ئه‌نجومه‌نی پارێزگا”.
هەروەها ناوبراو لەبارەی زەوی و شوێنە گشتیە داگیركراوەكانی سلێمانی دەلێت:ده‌یان به‌ڵگه‌نامه‌مان له‌به‌رده‌سته که چۆن زه‌وی و شوێنه گه‌شتیارییه‌کانی سلێمانی له‌لایه‌ن چه‌ندین به‌رپرس و که‌س دامه‌زراوه‌ی حیزبی داگیرکراون و به‌شێکی فرۆشراوه” هەرلەسەر دۆخی سلێمانی و قومارخانەكان ئەو ئەندام پەرلەمانەی گۆڕان ئەوەش بە هێرۆخان و كۆسرەت رەسوڵ دەلێت:له‌ده‌ره‌وه‌ی یاسا، به‌بێ مۆڵه‌تی هیچ دامه‌زراوه‌یه‌کی حوکمی، چه‌ند به‌رپرسێکی حیزبی و دامه‌زراوه‌ی حیزبی سلێمانیان پڕکردووه له قومارخانه، شه‌ش قومارخانه‌ی بێ مۆڵه‌ت به‌هێزی ئه‌منی ده‌پارێزرێن، نه پارێزگار و نه‌هیچ که‌سێک توانای داخستنیانی نیه، ناکرێت خه‌ڵک بێ مووچه‌و بێ ژیانبێت و ئه‌وه‌شی پێیه به نایاسایی له قومارخانه‌ی به‌رپرسه‌کاندا لێی ببرێته‌وه، دەشلێت،فه‌رموون ئه‌گه‌ر هی به‌رپرسانی باڵای حیزبی نیه، ڕێگا بده‌ن پارێزگار دایبخات”.
لەبارەی دۆخی دژواری ناوەخۆی سلێمانی ئەو عەلی حەمە ساڵح دەشلێت، به‌شی هه‌ره زۆری کۆمپانیاکانی سلێمانی مایه‌پوچ بوون، زۆربه‌ی کارگه‌کان به‌ره‌وداخستن ده‌چێت، بێ کاری و بێ پاره‌ی به شێوه‌یه‌کی مه‌ترسیدار زیادیکردووه، ئه‌مه جگه له‌و بێ کاره‌بای وبێ ده‌رمانییه‌ی که له هاویندا به‌رۆکمان ده‌گرێت”.
هەروەها ئەو حەمە ساڵح لەكۆتایدا هەرەشە دەكات و دەلێت، ئه‌گه‌ر ئیراده هه‌بێت هه‌موو ئه‌مانه چاره‌سه‌ر ده‌کرێت، ئه‌گه‌رنا ئه‌م دۆخه بۆ ئهو به‌رپرسانه‌ش ناچێته‌سه‌ر ته‌نیا له خه‌می خۆیاندان و وڵات وێران ده‌که‌ن”.
شایانی باسە پێشتر سكرتێری رۆژنامەوانی كۆسرەت رەسوڵ لەو بارەیەوە رایگەیاند، كۆسره‌ت رەسوڵ ئهو مه‌وزوعه قبوڵ ناكات‌و به‌دوایدا ده‌چێت، بۆ ئه‌وه‌ی داواكاری گشتی لێ پێچینەوە بكات و دادگاش یه‌كلایی بكاته‌وه تاڕای گشتی بزانێت ئهو شوقانه هی كێیه‌و بۆ لەمەودواش ئەو كولتوری تۆمەتباركردن‌و ناوزڕاندنە كۆتایی بێت‌و ئەوانەی بێ بەڵگە قسە دەكەن دەبێ باجە یاساییەكەشی وەربگرن”.
