“ئیڤانكا دەبێتە سەرۆكی داهاتووی ئەمریكا”
![](https://xwakurk.com/wp-content/uploads/2017/05/iiivanka.jpg)
خواكوڕك
باوەڕ بەو لێكدانەوانە دەكەیت كە دەڵێن ئەگەری ئەوە زۆرە سەرۆكی داهاتووی ئەمریكا “ئیڤانكا”ـی كچی دۆناڵد ترەمپ بێت؟.
لەوانەیە ئەو هەواڵە پاش چەند ساڵێكی دیكە شۆكهێنەر و نامۆ نەبێت، چونكە بەو دوواییانە ئیڤانكا كراوەتە یاریدەدەری سەرۆكی ئەمریكا و ئێستا پۆستێكی فەرمی لە كۆشكی سپیدا بەڕێوە دەبات، بێ ئەوەی لە بەرامبەردا هیچ حەق دەستێك (مووچە) وەربگرێت.
زانایانی دەروونناسی و شیكەرەوە سیاسییەكان و ئەكادیمییەكان لە بەڵگە فیلمێكدا ئەو پێشبینییانە هەڵدەسەنگێنن و لەبارەی ئەوەی ئایا ئیڤانكا خواستی ئەوەی هەیە ببێتە سەرۆكی داهاتووی ئەمریكا قسەیان كردووە”.
كەناڵی چواری بریتانی، بەڵگە فیلمەكە پەخش دەكات و بە گوێرەی رۆژنامەی ئیندپێندنتی بریتانی رۆژنامەنووس “مات فرای” پێشكەشی دەكات.
“فیكی وارد” رۆژنامەنووسی بریتانی كە بەهۆی بە دواداچوونە رۆژنامەوانییەكانی ناسراوە و گفتوگۆی لەگەڵ هەر یەكە لە ترەمپ و كچەكەیدا كردووە دەڵێت” ئەگەر ئیڤانكا خواستی سیاسی هەبێت، بەلامەوە هەواڵێكی شۆكهێنەر و نامۆ نییە”.
ئیڤانكا ترەمپ، بۆ یەكەمجار نەریتی شكاند و لەسەر كورسی سەرۆكی ئەمریكا دانیشت لە كاتێكدا سەرۆك نەبوو، وێنەكە كاتی سەردانی جاستن ترۆدۆیە بۆ كۆشكی سپی و دیداری لەگەڵ ترەمپ
وارد ئەوەشی گوتووە” ئیڤانكا وەك باوكی سروشتێكی شەڕەنگێزی هەیە و زیاتر لە جارێكیش باوكی ستایشی كردووەو گوتوویەتی” زۆر دڵسۆزو باشە، بەڵام ئەگەر سوكایەتی پێ بكەیت زۆر خراپ بەرەنگارت دەبێتەوە”.
ئیڤانكا بە ژنێكی سەرمایەدار و خاوەن كار ناسراوە و پێشتر نمایشكاری جل و بەرگ و ئەستێرەیەكی تەلەڤیزیۆنییش بووە و باوكی بۆ ئەو كارانە كاریگەریی زۆری لەسەری هەبووە.
زۆرێك لەوانەی لە بارەی ئیڤانكاوە قسەیان كردووە دەڵێن” ئیڤانكا بەهۆی بەرگریكردنی لە یەكسانی نێوان ژن و پیاو و هەوڵدانی بۆ رێگەگرتن لە گۆڕانكاریی كەشوهەوا و ژینگە، وێنە خوارەكەی باوكی راستكردووەتەوە كە ژنانی بە “گێل” و “بەرازە قەڵەوەكان” ناودەبرد.
لە ماوەی 50 رۆژی یەكەمی چوونە ناو كۆشكی سپیش، ئیڤانكا هیچ پلە و پێگەیەكی فەرمی نەبوو، بەڵام وەك دیارترین كەسایەتییەكانی ئیدارەكەی ترەمپ دەردەكەوت.
![](http://xwakurk.com/wp-content/uploads/2017/05/iivanka-300x125.jpg)