ووڵاتێكی زلهێزی جیهان بڕیاری دا هێزێكی زۆر بنێرێته كوردستان بۆ ئه‌م مه‌به‌سته
خواكوڕك
وه‌زیری به‌رگری به‌لجیكا، دوێنێ سێ شه‌ممه، رایگه‌یاند” ووڵاته‌كه‌مان ئاماده‌سازی ده‌كات بۆ ئه‌وه‌ی هێزێكی سه‌ربازی تر بنێرێته كوردستان و بۆ ئه‌و پرسه‌ش خه‌ریكی خۆ ئاماده‌كردنین.
(ستێڤه‌ن ڤاندێپوت) وه‌زیری به‌رگری به‌لجیکا،گوتی” ناردنی هێزه‌كانمان بۆ هه‌رێمی كوردستان له پێناو كۆتایهێنانه به تیرۆر و تیرۆریستان، دژی رێكخراوی داعش و هاوشێوه‌كانیان، هێزه‌كانیشمان بریتین له ژماره‌یه‌ك سه‌ربازی به‌لجیكی و چه‌ندین جۆری ئۆتۆمبێلی سه‌ربازی و چه‌ندین جۆری چه‌كیان پێیه بۆ هه‌ر ئه‌گه‌رێك كه پێویست بێت.
بڕیاره هه‌تا کۆتایی ساڵی 2017 ناردنی سه‌ربازانی به‌لجیکی بۆ هه‌رێمی کوردستان درێژه‌ی هه‌بێت، به‌ڵام هاوکات ڕاگه‌یاندراوه که ئه‌گه‌ر پێویست بکات ئه‌وا ماوه‌که‌ی درێژ ده‌که‌نه‌وه و بۆ ساڵی 2018ش له ناردنی سه‌ربازی به‌لجیکی بۆ هه‌رێمی کوردستان به‌رده‌وام ده‌بن.
وه‌زیری به‌رگری به‌لجیكا ئه‌وه‌شی نه‌شاردۆته‌وه” نابێت له‌بیرى بکه‌ین که ئاسایشی نه‌ته‌وه‌ییمان په‌یوه‌سته به ئاسایشی ده‌ره‌وه‌ی سنوره‌کانی وڵاته‌که‌مان، ئێمه له پێناو ته‌ئمینکردنی ئاسایشی هاووڵاتیانمان و به‌هێزکردنی ئابووری وڵاته‌که‌مان، سه‌ربازه‌کانمان ڕه‌وانه‌ی كوردستان ده‌که‌ین”.
