سەلیم جبوری هەرەشە لەكورد دەكات دەست بۆ یەكپارچەی خاكی عێراق نەبەن
خواكوڕك
سەلیم جبوری سەرۆكی پەرلەمانی عێراق لەگوتارێكی دا لە كۆنگرەی توركمانەكانی عێراق دەلێت رووبەروی هەموو ئەوانە دەبینەوە، كە دەیانەوەێت عێراق دابەش بكەن و لەعێراق جیاببنەوە، دەلێت یەكپارچەی خاكی عێراق هێڵی سورمانە، كەس نابێت دەست بۆ یەكپارچەی خاكی عێراق ببات”.
هەروەها جبوری كە بەكەسێكی نزیك لە ئێران ناسراوە، لەسەر ئەو هەڵوێستانەشی لە عەشیرەتەكەی دەركراوە، دەلێت دژی هیچ دەستکەوتێک نین کە لە دەستووردا هاتووە، بەڵام لەهەمان کاتدا بەرژەوەندی باڵای وڵات و یەکپارچەیی لە حیساباتی خۆمان دادەنێین و بەرامبەر هەر پرۆژەیەکی نەشاز دەوەستینەوە کە دەست بۆ نیشتمان ببات، بە هەموو هێزیشمانەوە بەرگریی لەوە دەکەین هەروەها دەشلێت” رێگە نادەن بیرۆکەی دابەشکردن و جیاکردنەوە و هەڵوەشاندنەوە جێبەجێ بکرێت لەژێر هەر پاساوێک بێت “کە ئەم لایەن یان ئەو لایەنە بانگەشەی بۆ دەکەن”.
سەلیم جبوری هەروەها دەشلێت سازش لەسەر هیچ بستێكی خاكی عێراق ناكەین بۆ بەرژوەندی پرۆژەی داگیركاریەكانی دەرەوە و دەلێت”ئەوان دەستوور بۆ ئەو مەرامانەیان بەکاردەهێنن و خۆیان لە پشتی حەشارداوە بۆ وەگەڕخستنی ئارەزووەکانیان کە گۆڕینی عێراقە بۆ دەوڵەتی بچووک بچووک، کە لەژێر رەحمەتی گورگەکانی ناوچەکە بژیت، عێراق یەکە و دابەش نابێت، ئەوەشی هەوڵدەدات لە دەرەوەی چوارچێوەی ئەم دەوڵەتەدا بژێت، با بەدوای نیشتمانێکی دیکەدا بگەڕێت”.
