سەرۆكی هەرێم و سەرۆككۆماری عێراق كۆبوونەوە
خواكوڕك
ئەمرۆ شەممە، 20ی 5ی 2017 مەسعوود بارزانی سەرۆكی هەرێمی كوردستان لە پەراوێزی كۆڕبەندی ئابووری جیهان لە عەمانی پایتەختی ئورددن، لەگەڵ د.فواد مەعسوم سەرۆككوماری عێراق كۆبوونەوە”.
بەگوێرەی زانیاریەكانی دەستی خواكوڕك كەوتووە، لە كۆبوونەوەكەدا مەسعود بارزانی سەرۆكی هەرێمی كوردستان و فواد موعسوم، سەرۆككۆماری عێراق ، باسان لە شەڕی موسڵ و پەیوەندیەكانی نێوان عێراق و كوردستان كردووە، هەروەها باسیان لە دۆخی شەڕ لەدژی داعش لە موسڵیش كردووە”.
مەسعود بارزانی سەرۆكی هەرێمی كوردستان بەسەردانێكی فەرمی كوردستانی بۆ وڵاتی ئوردن بەجێ هێشتوو” لەسەردانەكەی لەگەڵ هەریەكە لە شا عەبدولڵا و بەرپرسانی باڵای ئوردن كۆبۆوە، پاشان كۆڕبەندی ئابووری جیهان لە عەمانی پایتەختی ئوردن بەشداری كرد، ژمارەیەك دیدار و كۆبوونەوەی لەگەڵ سەرۆك و سەركردەكانی جیهان دەبێت، هەروەها بارزانی لە میانی دیدارەكاندا باس لە پرسی ریفراندۆم و سەربەخۆیی كوردستان دەكات”.
