هێرۆ ئیبراهیم ئه‌حمه‌د : سوێندم خواردووه ڕێكه‌وتنامه‌كه جێبه‌جێ بكرێت
خواكوڕك
هێرۆ ئیبراهیم ئه‌حمه‌د ئه‌ندامى مه‌كته‌بى سیاسى یه‌كێتى نیشتیمانى كوردستان ده‌ڵێت “به هیچ شێوه‌یه‌ك ڕێگه‌ناده‌ین ڕێكه‌وتنامه‌ى نێوان یه‌كێتى و گۆران فه‌رامۆش بكرێت “.
ئه‌مڕۆ یه‌ك شه‌مه 21ى ئایارى 2017 كه دوا ڕۆژى پرسه‌ى ڕێكخه‌رى كۆچكردووى بزوتنه‌وه‌ى گۆران بوو ، “هێرۆ ئیبراهیم ئه‌حمه‌د ” ئه‌ندامى مه‌كته‌بى سیاسى یه‌كێتى ڕایگه‌یاند ” هه‌رچییه‌كى كردووه وه‌ك وه‌فایه‌ك بۆ نه‌وشیروان مسته‌فا ئه‌بێت ڕێكه‌وتنى یه‌كێتى و گۆڕان جێبه‌جێ بكرێت ، سوێندم خواردووه نابێت بێرێزى به ئیمزاى مام و كاكه نه‌وه بكرێت و ده‌بێت ڕێكه‌وتنه‌كه وه‌ك خۆى جێبه‌جێ بكرێت “.
هه‌روه‌ها “هێرۆ ئیبراهیم ئه‌حمه‌د ” ده‌شڵێت ‘‘ئیجگار خه‌مبارى كۆچى دواى نه‌وشیروان مسته‌فام و ساده‌ترین وه‌فا بۆ گیانى كاكه نه‌وه ئه‌وه‌یه كه ڕێكه‌وتنامه‌كه‌ى نێوانمان جێبه‌جێ بكه‌ین ،چونكه ئه‌و په‌رۆشى سه‌ركه‌وتنى ئه‌و ڕێكه‌وتنه بوو .
