ژنه په‌رله‌مانتارێكی عه‌ره‌ب:هەرێم چی هەیە لە ماستی هەولێر و کەبابی سلێمانی زیاتر، زۆر جار ماسته‌كه‌ش ده‌ترشێت
خواكوڕك
په‌رله‌مانتارێكی پێشوو له په‌رله‌مانی عێراق سه‌باره‌ت به جیابوونه‌وه‌ی كوردستان و پرسی سه‌ربه‌خۆی، رایگه‌یاندوه”هەرێم چی هەیە لە ماستی هەولێر و کەبابی سلێمانی زیاتر، زۆر جار ماسته‌كه‌ش ده‌ترشێت”.
(عەتاب دووری) لەمیانەى بەشداریکردنی لەبەرنامەیەکی تەلەفزیۆنی، رایگەیاندوه “هه‌رێمی كوردستان باسی جیابوونەوەى چی دەکەن، دەبێت کە جیابوونەوە (عێراق و سوریا و تورکیا و ئێران) رازیبکەن، من لێرەوە پێتان دەڵێم وەکو عێراق رازی نیم جیاببنەوە، ئه‌و بابه‌ته‌ش سه‌ر ناگرێت.
ژنه په‌رله‌مانتاره‌كه‌ی عه‌ره‌ب ئه‌وه‌شی گوتووه”ئێوە بەچ ژێرخانێکی بەهێزی ئابووری جیادەبنەوە، تەنها ماستی هەولێر و کەبابی سلێمانیتان هەیە پێی بەناوبانگن، ماستەکەش لەگەرما دەترشێت”.
لەدوای ئەو قسانەى عەتاب دووری تائێستا حکوومەتی هەرێمی کوردستان هیچ وەڵامێکی ئەو پەرلەمانتارەى نەداوەتەوە، به‌ڵام چاوه‌ڕێ ناكرێت هه‌ر كه‌سێك و هه‌ر لایه‌نێك له‌سه‌ر پرسێكی گرنگی وه‌كو سه‌ربه‌خۆی قسه‌بكات و حكومه‌ت و لایه‌نه سیاسیه‌كان له هه‌رێم و نوێنه‌رانی كورد له به‌غدا لێی بێده‌نگ بن.
