به‌رشه‌لۆنه ناوی راهێنه‌ره‌كه‌ی ئاشكرا كرد و سبه‌ینێ پێشكه‌شی ده‌كات
خواكوڕك
سكرتێری یانەی بەرشلۆنەی ئیسپانی (رۆبێرت فێرناندێز) دڵخۆشی خۆی نیشاندا بە بردنەوەی تیپەكەی بەرامبەر ئالاڤێس و بەدەستهێنانی نازناوی جامی شای ئیسپانیا و باسی راهێنەری نوێش دەكات”.
رۆژنامەی ئاسی ئیسپانی لێدوانەكانی فێرناندێزی بڵاوكردۆتەوە كه گوتویه‌تی” تیپەكەمان ئەمرۆ بەشێوەیەكی باش یاری كرد ، بە شایستەیی بووینە پاڵەوانی جامی شای ئیسپانیا”.
لەبارەی ئەگەری ئەوەی ئەرنیستۆ ڤالڤێردی ببێتە راهێنەری یانەكە ، فێرناندێز راگه‌یاندوه” بەڵێ دەتوانم ئەوە بڵێم سبەی ڤالڤێردی وەك راهێنەری نوێی تیپەكەمان رادەگەینین”.
ئه‌وه‌ی شایه‌نی باسە” دوێنێ لویس ئەنریكی دوای سێ ساڵ كاركردن دواین یاری خۆی لەگەڵ بەرشلۆنە ئەنجامدا و ئەمرۆش ماڵئاوایی دەكات ، سبەیش لە كۆنگرەیەكی رۆژنامەوانی ناوی راهێنەری نوێ ئاشكرا دەكرێت”.
