بیره‌ نه‌وتێكی كه‌ركوك ته‌قێندرایه‌وه‌

خواكوڕك

له‌ قه‌زای دوبزی سه‌ر به‌پارێزگای كه‌ركوك، بیره‌ نه‌وتێك گڕی تێبه‌ردرا و به‌ پێی زانیارییه‌كان بیره‌ نه‌وته‌كه‌ له‌ رێگای بۆمبی چێندراوه‌وه‌ ته‌قێندراوه‌ته‌وه‌.

به‌ره‌به‌یانی ئه‌مڕۆ دووشه‌ممه‌ 29/5/2017 كاتژمێر4:30 بەیانی لە نزيك گوندی شیرناوی سەر بە قەزای دوبز لە سنووری پارێزگای كەركووك بیرە نەوتێك لە رێگەی بۆمبی چێندراو تەقێندراوەتەوە و ئاگری گرتووە، تا ئێستاش ئاگری بیره‌ نه‌وته‌كه‌ كۆنتڕۆڵنه‌كراوه‌ته‌وه‌.

هه‌ر به‌ پێی زانیارییه‌كان تا ئێستا ھیچ لایەنێك بەرپرسیاریەتی خۆی لە كردەوەكە رانەگەیاندووە و ھێزە ئەمنییەكانی كەركووكیش بە فەرمی ھەواڵەكەیان پشتراست نەكردووەتەوە.

ئەمە لەكاتێكدایە پێشتر چەندین جار بیر و بۆری نەوت لە كێڵگە نەوتییەكانی كەركووك لەلایەن چەكدارانی داعش تەقێندراوەتەوە.