لەبارەی گیرانی کادیری کۆمیتەی ئامێدیی یەکێتی روونكردنەوە دەدرێت

خواكوڕك 

شەوی 28ی لەسەر 29ی 5ی 2017 بەبریاری دادگا كە 15 رۆژ بەر لەئێستا بۆی دەرچووە، بەهۆی ئامادە نەبوونی لەناوچەكەدا، دواخرابوو، هۆگر سەلیم گەنجێكی دانیستووی ناوچەی ئامێدییە، كادیری كۆمیتەی ئامێدی یەكێتییە، دەستیگر دەكرێت، ئەمەش كاردانەوەی میدیای بەدوای خۆی دا هێنا، لە دواین لێدوانی لەپاش گیرانی سەعد ئەحمەد پیرە ئەندامی مەكتەبی سیاسی یەكێتی رایگەیاند، ئەگەر گەنجەكە لەسەر یاسا دەستگیر كرابێت ئەوان پێشوانی لە یاسا دەكەن”.

لەو بارەیەوە ئاسایشی ئامێد لەبارەی دەستگیری كردنی ئەو كادیرەی یەكێتی دەلێت  شەوی ڕابردوو لەلایەن خاڵێکی پشکنینەوە، گەنجێک بە ناوی هۆگر سەلیم دەستگیر کراوە کە کادیری کۆمیتەی ئامێدیی یەکێتییە و خەڵکی گوندی گیزێی سەر بە دەڤەری بەرێ گارەیە.

هەر لەبارەی دەنگۆیەكانی لەسەر ئەو دەستگیر كردنە دەكرێت(خەلیل شاخکی) بەرێوبەری ئاسایشی ئامێدی دەشلێـــ”. بیستوومانە کە خەڵکێک دەڵێن گوایە ئێمە لە خۆمانەوە ئەو گەنجەمان دەستگیر کردووە، بەڵام بەو جۆرە نییە و 15 ڕۆژ لەمەوبەر، بە فەرمانی دادوەری ئامێدی، بڕیاری دەستگیرکردن بۆ ئەو گەنجە دەرکراوە”.

لەو بارەیەوە ڕوونیشی کردەوە کە بەهۆی ئەوەی گەنجەکە لە  دەڤەرەکەدا نەبووە، بڕیارەکەیان دواخستووە و شەوی ڕابردوو پاش ئەوەی گەنجەکەیان بینیوە، دەستگیریان کردووە. دووپاتیشی کردەوە: “ئێمە بە بڕیاری دادوەر ئەو گەنجەمان دەستگیر کردووە و ڕاستەوخۆ بۆ شاری دهۆکمان ڕەوانە کردووە”.