لەژێر ترسی هەرەشەی گۆڕان یەكێتی كۆبوونەوەی مەكتەبی سیاسیە دەكات و قوباد تاڵەبانی بانگێشت دەكات
خواكوڕك
بەبێ بوونی بەرنامەی مەكتەبی سیاسی ئەمڕۆ 5ی6ی 2017 كۆدەبێتەوە، ئەندامێكی مەكتەبی سیاسیش دەلێت بەبێ بەرنامە مەكتەبی سیاسی یەكێتی كۆدەبێتەوە، ددەلێت هیچ بەرنامەیەكی كۆبوونەوەمان نەبوو، بەڵام دوێنێ شەو ئاگادار كراینەوە، كە مەكتەبی سیاسی یەكێتی كۆدەبێتەوە”.
سەعد ئەحمەد پیرە لە میانی بەشداری كردنی لە كۆبوونەوەی مەكتەبی سیاسی یەكێتی دا دەلێت بەرنامەی نەبوو كۆبوونەوە بكرێت، بەڵام شەو ئاگاداركراوم بۆ ئەو كۆبوونەوەیە، لەبەرئەوە جارێ نازانم تەوەرەكانی كۆبوونەوەكە چین، ئەمە لەكاتێكدایە پێشتر( قادری حاجی عەلی ) هەرەشەی لەیەكێتی كرد كە لەبارەی ئەو رێكەوتنەی نێوان ( حكومەتی هەرێمی كوردستان و رۆزنەفت)”.
بەگوێرەی زانیاریەكانی میدیا سێبەرەكانی یەكێتی كۆبوونەوەكە بۆ بانگێشت كردنی قوباد تاڵەبانیە، تا روونكردنەوە لەسەر رێكەوتنەكە بدات، ئەمەش لەچوارچێوەی هەرەشەكانی قادری حاجی عەلی بووە، كە مەكتەبی سیاسی و قوباد تاڵەبانی دەیانەوێت، وەڵامی گۆڕان بدەنەوە”.
چاودێرانی سیاسی پێیان وایە بوونی رێكەوتنی حكومەتی هەرێمی كوردستان و رۆزنەفت، ئەگەری زۆری هەیە قەیرانەكان بەئاراستەی نەمان ببات، بەشێكی یەكێتی و گۆڕان و كۆمەڵ و یەكگرتوو، بەتەواوی كەوتوونەتە ترسەوە لەوەی قەیرانی دارای كۆتای پێ بێت، چونكە تەواوی خیتابی سیاسی و راگەیاندنیان، لەسەر سۆز و نەهامەتیەكانی خەڵك هەڵچنیوە، لەسەر ئەو نەهامەتیانەدا لەماوەی ئەو سێ ساڵەدا كاریان كردووە، بۆیە هەر هەوڵێك بۆ چارەسەری قەیرانی دارای ئەوان دەخاتە ترسەوە”.
سەرچاوەكان باس لەوەش دەكەن مەكتەبی سیاسی و قوباد تاڵەبانی لەژێر ترسی هەرەشەكانی قادری حاجی عەلی كۆبوونەوەی نائاساییان، ئەنجامداوە، دەلێت بەشێوەیەك كە هیچ ئەندامێك پێشتر ئاگادار نەكرابوونەوە كۆبوونەوەكە لەناكاو بووە”.
شایانی باسە پێشتر وەڤدێكی باڵای هەرێمی كوردستان بە سەرۆكایەتی نێچیرڤان بارزانی سەردانی رووسیایان، كرد كۆمەڵێك رێكەوتنیان ئەنجامدا، یەكێك لە رێكەوتنەكانیان، لەگەڵ كۆمپانیای گەورەی رۆزنەفت بوو، ئەمەش كاردانەوەی گۆڕانی لێكەوتەوە، قادری حاجی عەلی وەك پیاوی یەكەمی پاش نەوشێروان لەناو گۆڕان هەرەشەی لە یەكێتی كرد”.
