قاسم شه‌شۆ: 300 چه‌كداری حه‌شدی شه‌عبی وازیان هێناوه گه‌ڕانه‌وه نێو هێزه‌كانی پێشمه‌رگه
خواكوڕك
فه‌رمانده‌یه‌كی پێشمه‌رگه له سنوری قه‌زای شنگال رایده‌گه‌ێنێت” له ئێستادا زیاتر له 300 كوردی ئێزیدی له ریزه‌كانی حه‌شدی شه‌عبی وازیان هێناوه و په‌شیمانن له چوونه نێو ریزه‌كانی حه‌شد و پرۆسه‌كه‌ش به‌رده‌وامی هه‌یه.
(قاسم شه‌شۆ) فه‌رمانده‌ی فه‌رمانده‌یی شنگالی هێزی پێشمه‌رگه‌ی كوردستان رایگه‌یاندوه ” پاش ئه‌وه‌ی حه‌شدی شه‌عبی هاتنه سنوری شنگال، ژماره‌یه‌ك كوردی ئێزیدی په‌یوه‌ندی پیوه‌كردن و چوونه ریزه‌كانی حه‌شد، به‌ڵام پاش ئه‌وه‌ی سیاسه‌ت و مه‌هامی حه‌شدیان بۆ روونبووه‌وه ئێستا په‌یتا په‌یتا ریزه‌كانی حه‌شدی شه‌عبی جێده‌هێڵن و ده‌بنه‌وه به پێشمه‌رگه و واز له وان ده‌هێنن، رۆژانه‌ش ئه‌م جێهێشتنه به‌رده‌وامه و تا ئێستا زیاتر له 300 چه‌كدرای كوردی ئێزیدی له ریزه‌كانی حه‌شدی شه‌عبی وازیان هێناوه.
فه‌رمانده‌ى فه‌رمانده‌یى شنگالى هێزه‌كانى پێشمه‌رگه ئه‌وه‌شی راگه‌یاند: هه‌موو خه‌ڵكی ناوچه‌كه دژی حه‌شد و هاوشیوه‌كانین، دڵنیاین له‌وه‌ی له داهاتوو هه‌مویان ده‌گه‌ڕێنه‌وه.
