كۆمسیۆنی باڵای سه‌ربه‌خۆی هه‌ڵبژاردنه‌كان ئێمه ئاماده‌ین بۆ ئه‌نجامدانی ریفراندۆم
خواكوڕك
ئه‌ندامێكی ئه‌نجوومه‌نی كۆمیسیاران له كۆمیسیۆنی باڵای سه‌ربه‌خۆی هه‌ڵبژاردنه‌كان، سه‌باره‌ت به ئه‌نجامدانی ریفراندۆم له هه‌رمی كوردستان رایده‌گه‌ێنێت”ئێمه له رێككه‌وتی دیاریكراوی خۆیدا ئه‌و پرسه ده‌توانین ئه‌نجام بده‌ین و هه‌ر له ئێستاوه ئاماده‌كاری ده‌كه‌ین بۆ به ئه‌نجام گه‌یاندنی.
(د.جووتیار عادل) ئەندامی ئەنجومەنی کۆمیسیاران لە کۆمسیۆنی باڵای سەربەخۆی ھەڵبژاردن و ڕاپرسیی له ھەرێمی کوردستان رایگه‌یاندوه”ئێمه دوێنێ وه‌كو كۆمسیۆنی باڵای سه‌ربه‌خۆی هه‌ڵبژاردنه‌كان به‌شدار بووین له كۆبونه‌وه‌ی سه‌رۆكی هه‌رێمی كوردستان له‌گه‌ڵ حزب و لایه‌نه سیاسیه‌كانی هه‌رێم،رای كۆمسیۆنمان به فه‌رمی راگه‌یندرا و پێشتریش خۆمان كۆبووینه‌وه و ڕێك كه‌وتین له‌سه‌ر ئه‌وه واده‌یه، كه 25ی 9ی ئەمساڵە، كه ده‌توانین ریفراندۆم به ئه‌نجام بگه‌ێنین.
عادل زیاتر گوتویه‌تی”ئێمه پێویستمان به بودجه‌یه و ته‌نها ئه‌وه‌ش به كێشه‌ی به‌رده‌م خۆمان ده‌بینین، ده‌نا له رووی لۆجیستیه‌وه ته‌واوو ئاماده‌ین و هیچ گرفتمان نیه، هه‌ركات بودجه‌ی ته‌واو ته‌رخانكرا ئه‌وه به‌و په‌ڕی هێز و تواناوه ئاماده‌ی سازدانی ریفراندۆمین له هه‌رێمی كوردستان.
ئه‌ندامه‌كه‌ی كۆمیسیۆنی باڵای سه‌ربه‌خۆی هه‌ڵبژاردن سه‌باره‌ت به ریفراندۆم و پرسیاره‌كان گوتی”ناوه‌ڕۆكى نووسینى پرسیاره‌‌كه بۆ ڕیفراندۆم په‌یوه‌ندیى به حزب و لایه‌نه سیاسییه‌كان، یان ئه‌و لیژنه‌یەوە هەیە، کە بڕیار درا كاره‌كان ریفراندۆم ڕاپه‌ڕێنێت، خۆیشم پێشبینى ده‌كه‌م پرسیارێك هه‌بێت، ئه‌ویش وەڵامەکەی به ”به‌ڵێ” و ”نه‌خێر” بێت و ده‌ره‌نجامه‌كه‌یشى پشت به زۆرینه‌ى ساده‌ی زۆرینه‌ى ڕێژه‌یى به‌شداربووان له‌و گشتپرسییەدا ده‌به‌ستێت، هەرکە ئەنجامی گشتپرسییە 50+1 بێنێت، ئه‌وە راپرسییەکە سه‌ركه‌وتوو ده‌بێت.”
