كۆبوونەوەی بارزانی و لایانەكانی دەرەوەی حكومەت و پەرلەمان چی تێدا باسكرا
خواكوڕك
لە راگەیاندراوێكدا سەركایەتی هەرێمی كوردستان رایگەیاند، ڕۆژی شەممە 10ـی 6ـی 2017 لە سەلاحەددین بە مەبەستی تاوتوێكردنی بڕیاری دیاریكردنی ڕۆژی بەڕێوەچوونی ڕیفراندۆم لە هەرێمی كوردستانی عێراق و ناوچە كوردستانییەكانی دەرەوەی ئیدارەی هەرێم و هەروەها ئاڵوگۆڕكردنی بیروڕا لەبارەی پڕۆسەی سیاسیی هەرێم، نوێنەر و بەرپرسە باڵاكانی حزب و لایەنە سیاسییەكانی دەرەوەی پارلەمان لەگەڵ بەڕێز مەسعود بارزانی سەرۆكی هەرێمی كوردستان كۆبوونەوە.
هەر لە راگەیاندراوەكەدا هاتووە، لەم كۆبوونەوەیەدا ئامادەبووان دوای گفتوگۆیەكی چڕوپڕ و بە لەبەرچاوگرتنی بارودۆخی دەولی و ئەو قوربانیدان و ئەزموونانەی گەلی كوردستان لە خەباتی خۆیدا هەیبووه، پشتگیریی تەواوی خۆیان بۆ پڕۆسەی ڕیفراندۆم و بڕیاری دیاریكردنی 25ـی ئەیلوولی 2017 بۆ ڕیفراندۆم ڕاگەیاند. پارتە بەشداربووەكانی كۆبوونەوەكە جەختیان لەوە كردەوە كە هەموو تواناكانیان بۆ سەرخستنی ڕیفراندۆم دەخەنەگەڕ، داوایشیان كرد كە نوێنەرەكانیان ڕۆڵیان لە كۆمیتە و كاروباری بەڕێوەچوونی ڕیفراندۆم هەبێت.
هەر لەبارەی كۆبوونەوەكە لە راگەیاندراوەكەی سەرۆكایەتی هەرێمدا هاتووە” بەڕێز سەرۆكی هەرێمی كوردستانیش ئەوەی بۆ ئامادەبووانی كۆبوونەوەكە ڕوونكردەوە كە بڕیاری بەڕێوەچوونی ڕیفراندۆم بابەتێكی مێژووییە و یەكلاییبووەتەوە و پەیوەستە بە ژیانی تاك تاكی خەڵكی كوردستان و هیوایشی خواست هەموو لایەك بە گڕوتینەوە بەشدار بن.
لە راگەیاندراوەكەدا ناوی ئەو هێز و لایانانەی كە بەشداری كۆبوونەوەكەیان كردووە بڵاو كراوەتەوە كە لەمانەی خوارەوە پێكدێن”
– یەکێتیی نەتەوەیی دیموکراتی کوردستان
– بزووتنەوەی دیموکراتی گەلی کوردستان
– پارتی نەتەوەیی کوردستان
– بزووتنەوەی ئاشتیخوازانی کوردستان
– پارتی پێشکەوتنخوازی دیموکراتی کوردستان
– بزووتنەوەی ڕزگاریی دیموکراتی کوردستان
– حزب بیت النهرین الدیموقراتی
– حزب الاتحاد الدیموقراتی الکلدانی
– سەرۆکی ئەنجوومەنی نەتەوەیی کلدان
– پارتی نیشتیمانی ئاشووری
– یەکێتیی بیت النهرینی نیشتیمانی
– مینبەری دیموکراتی کلدانی
– بزووتنەوەی دیموکراتی تورکمان
– بزووتنەوەی تورکمانی بێلایەن
– پارتی دیموکراتی تورکمانی کوردستان
– کۆمەڵەی ڕۆشنبیریی تورکمانن لە کوردستان
– پارتی گەلی تورکمان
– کۆمەڵەی لیبڕاڵی تورکمان
– پارتی ڕزگاری نەتەوەیی تورکمانی
