راگەیاندراوێك لە پارتی دیموكراتی كوردستان
خواكوڕك
بەسەر پەرشتی مەسعود بارزانی ئەمرۆ 11ی 6ی 2017 ئەنجوومەنی سەركردایەتی پارتی دیموكراتی كوردستان، كۆبوونەوە پاش كۆبوونەوەكە راگەیاندراوێك بڵاو كراویەوە لە راگەیاندراوەكەدا هاتوو” بابەتی کاراکردنەوەی پەرلەمان: تاوتوێی ئەم بابەتەکرا و جەختی لەسەرکرایەوە بە شێوازێک بێت کە ھاوکاری چارەسەرکردنی کێشەکان و زیاتر لێکنزیکردنەوە و دروستکردنی تەبایی نێوماڵی کوردستانی, ھەروەھا ھاوکارو پشتیوانی پرۆسەی ریفراندۆم وەکو پرسێکی گرنگ و نەتەوەیی نیشتمانی بێت.
لە راگەیاندراوەكەی پارتی دا ئەوەش هاتووە” بابەتی ریفراندۆم و سەربەخۆیی کوردستان: دوای ئەوەی زەمینەی پێویستی بۆ ئامادەکرا وەکو ھەنگاوی یاسایی و وەرگرتنی شەرعیەتی جەماوەری کوردستان بە ھەموو پێکھاتە نەتەوەیی و ئاینی و مەزھەبی و سیاسییەکانەوە لە کۆبوونەوەی بەڕێز سەرۆکی ھەرێم لەگەڵ لایەنە سیاسی و نەتەوەییەکان لە ٧-٦-٢٠١٧ بڕیاری ئەنجام دانی ریفراندۆم لە ٢٥-٩-٢٠١٧ دراو, بە سەرکەوتنی ویست و ئیرادەی تەواوی خەڵکی کوردستان دەزانرێ و ئاواتی شەھیدە سەر بەرزەکان و پێشمەرگە قارەمانەکان دێتەدی.
لەبارەی بەشداری پێكهاتە نەتەوەی و ئاینیەكان لە راگەیاندراوەكەدا هاتوو”گەلی کوردستان, بەکوردو تورکمان و کلدۆ ئاشوری سریان, بە موسڵمان و مەسیحی و ئێزدی, لە دوای لکاندنی کوردستان بە عێراق بە بێ پرس و ئیرادەی خۆی, زۆر ھەوڵیدا دەوڵەتێکی دیموکراتی و سەردەمیانە دروست بکرێ و لەوپێناوەش قوربانی زۆری داوە, بەڵام بەداخەوە عقلیەتی تاکڕەوی رێگری کردووە لە دروستکردنی دەوڵەتێکی ھاوبەشی ھەموو نەتەوەو ئاینەکان کە ماف و ئازادییەکان بۆ ھەمووان دەستەبەر بکات, ئەمانەو لە روانگەی رێگری لە دووبارەبوونەوەی کارەسات و گرژی زیاتر, ئەم ھەنگاوە بە بەرژەوەندی دانیشتوانی ھەموو ناوچەکە دەزانین.
لەبارەی هەڵبژاردنی سەرۆكی هەرێمی كوردستان وەك بابەتێكی گرنگ باسی لێوە كراوە وەك لە راگەیاندراوەكە داهاتووە” بابەتی ھەڵبژاردنەکانی ھەرێمی کوردستان: ئەم بابەتە بەگرنگ زانراو, ئێمە لە پارتی دیموکراتی کوردستان لەگەڵ ئەنجامدانی ھەڵبژاردنەکانی کوردستانین لە کاتی خۆیداو ھەموو ھەوڵەکانمان چڕ دەکەینەوە بۆ زەمینە خۆشکردن و ئامادەکاری پێویست بۆ ئەو پرۆسە گرنگە.
