زۆربەی سەركردایەتی یەكێتی هاوڕای پارتیە بۆ كارا كردنەوەى پەرلەمان
![](https://xwakurk.com/wp-content/uploads/2016/12/4234342342.png)
خواكوڕك
دوای ئەوەی ئەنجومەنی سەركردایەتی رۆژی پێنج شەمە 15ی 6ی2017 كۆبونەوەو وبۆ تاوتوێكردنی چەند پرسێكی نێوخۆی حزبەكەیان بڕیاریاندا رۆژی شەمە 17ی 6ی 2017 جارێكی تر كۆببنەوە .
بە پێی ئەو زانیارییانەی كە دەستی خواكوڕك كەوتووە ، لەكۆبونەوەی شەممەی ڕابردووی ئەنجومەنی سەركردایەتی یەكێتی دا زۆرینە هاوڕابوون بۆ ڕێكەوتنی نێوان پارتی و یەكێتی و پرسی كاراكردنەوەی پەڕلەمانیشیان بەو جۆرەی كە پارتی و یەكێتی ڕێكەوتوون بە كارێكی باش زانیوە ، هەرچەندە پێشتر دەنگێكی ناڕازیی لە نێو سەركردایەتی یەكیـتی دا هەبووە بۆ ڕێكەوتن لە گەڵ پارتی دیموكراتی كوردستان و ئێستا ئەو دەنگە نەماوەو زۆرینەیش لەگەڵ ڕێكەوتندان .
پارتی و یەكێتی هەفتەی ڕابردوو بۆ كاراكردنەوەی پەرلەمانی كوردستان كۆبونەوەو یەكێتی پێشنیاری بۆ پارتی كرد كە پەرلەمان بە مەرجی ئەوەی كە گۆڕان ( یوسف محەمەد ) بگۆڕێت بۆ یەك جەلسە بەمەبەستی كاراكردنەوە سەرۆكایەتی پەرلەمان لە ئەستۆ بگرێت وپاشان سەرۆكایەتی پەرلەمان هەربۆ بزوتنەوەی گۆران دەبێت و هەردوو حزب یەكیتی پارتی (عومەری حاجی عینایەت) یان پێ گونجاو بوو بۆ شوێنگرەوەی ( یوسف محەمەد ) بەڵام دواتر بزوتنەوەی گۆڕان ئەو میكانیزمەی بۆ كاراكردنەوەی پەرلەمان قبوڵ نەبوو ڕەتیكردەوە .
لای خۆیەوە “عەباس فەتاح ) ئەندامی فراكسیۆنی سەوز لە پەرلەمانی كوردستان ڕایگەیاند ” ڕاستە لەگەڵ گۆران ڕێكەوتنی سیاسیمان هەیە ، بەڵام ماوەی 25 ساڵە یەكێتی و پارتی مامەڵەلەگەڵ یەكتر دەكەن و ڕێكەوتنی ستراتیجی لە نێوانیاندا هەیە ، بۆیە یەكێتی ناتوانێت وەك ئەو حزبانەی تازە دروست بوون یان ئۆپۆزسیۆنن ، مامەڵە لەگەڵ پارتیدا بكات “.