خامەنەیی بۆ عەبادی دژی كوردەكان بوەستنەوە، رێگریان لێ بكەن
![](https://xwakurk.com/wp-content/uploads/2017/06/23543654645.jpg)
خواكوڕك
رێبەری كۆماری ئیسلامی ئێران لەمیانی دیدارێكی دا لەگەڵ حەیدەری عەبادی، سەرۆكوەزیرانی عێراق رایگەیاند، یەكپارچەی خاكی عێراق بۆ ئێران هێڵی سوورە، رێگری لەكوردەكان بكەن و رێگا نەدەن سەربەخۆی خۆیان بەدەست بهێنن، دەشلێـ”دژی هەندێک دەنگۆ و هەوڵە بۆ جیابوونەوەی بەشێک لە عێراق و ئەو کەسانەی کە پەرە بەم بابەتە دەدەن بە دژبەری سەربەخۆیی و ناسنامەی عێراق دادەنێت”.
عەلی خامەنەیی هەروەها ئەوەشی گوتووە، ، بەبێ ئەوەی ناوێک لە هەرێمی کوردستان بهێنێت دەڵێت “عێراق بە لەبەرچاوگرتنی ئەو ڕابردووە مێژووەی کە هەیەتی، دەبێ بە یەکپارچەیی بمێنێتەوە و مافی ئەو وڵاتەیە پشت بە تواناکانی خۆی ببەستێت و بەهێزەوە ڕووبەڕووی ئەو کەسانە ببێتەوە کە چاویان تێبڕیوە”.
پاش ئەوەی ئێران وەك سوكایەتیەك لەرێگای راوێژكارێكەوە پێشوازی لە حەیدەر عەبادی و سەرۆكۆماری ئێران ئامادەی پێشوازی نەبوو لەسەر فەرشی سوور، لەگەڵ هەر یەكە لە سەرۆكۆماری ئێران و رابەری ئێران كۆبوونەوە لەكۆبوونەوەكەدا بەرپرسانی ئێران داوایان لە عەبادی كردووە، ئەمریكیەكان لەعێراق دەربكەن”.
بەهرام قاسمی، گوتەبێژی وەزارەتی دەرەوەی ئێران، بە فەرمی دژایەتیی ئێرانی لەگەڵ ڕیفراندۆم بۆ سەربەخۆیی هەرێمی کوردستانی ڕاگەیاندووە و گوتی “هەڵوێستی فەرمیی ئێران پاراستنی یەکپارچەیی خاکی عێراقە و ئەو هەوڵە یەکلایەنانە پیلانی دوژمنانن بۆ پارچەکردنی عێراق”.
دوای ڕاگەیاندنی کاتی بەڕێوەبردنی ڕیفراندۆم لە هەرێمی کوردستان، میدیاکانی ئێران شەپۆڵیک دژایەتییان دەست پێ کرد و ڕۆژنامە و ماڵپەڕە ئێرانییەکان کۆمەڵێک بابەتی شرۆڤەیی، ڕاپۆرت و وتاریان لەدژی مافی ڕەوای نەتەوەی کورد و ڕیفراندۆم و سەربەخۆیی کوردستان بڵاو کردەوە کە کاردانەوەی زۆری نووسەر و ڕۆشنبیر و میدیاکانی کوردستانی لێ کەتەوە، بڕیارە 2017/9/25 پرۆسەی ڕیفراندۆم بۆ سەربەخۆیی لە هەرێمی کوردستان و ناوچە کوردستانییەکانی دەرەوەی ئیدارەی هەرێمی کوردستان بەڕێوە بچێت.