عەلی باپیر خەون بە بینینی بارزانیەوە دەبینێت
خواكوڕك
لە ماوەكانی ڕابردوودا “عەلی باپیر ” ئەمیری كۆمەڵی ئیسلامی دەیان جار هەوڵی داوە بۆ بینینی (سەرۆك بارزانی ) سەرۆكی هەرێمی كوردستان ، بەڵام لەلایەن بەرپرسانی پارتی دیموكراتی كوردستان ڕەتكراوەتەوە ، دوبارە ئەمیری كۆمەڵی ئیسلامی لە ڕێگەی كەسێكی ترەوە دەست بە هەوڵدان بۆ بینینی سەرۆكی هەرێمی كوردستان دەكاتەوە .
بە پێی زانیارییەكانی خواكوڕك ، لە ماوەكانی ڕابردوودا “عەلی باپیر ” ئەمیری كۆمەڵی ئیسلامی لە ڕێگەی ( ئازاد بەرواری و دكتۆر ڕۆژ و هوشیار زیباری) یەوە داوای بینین و دیداری لەگەڵ ( سەرۆك بارزانی ) كردووە ، بەڵام بە هۆی هەڵوێستە نانیشتیمانیەكانی و بەشداری نەكردنی لە پرسە گرنگ و هەستیارەكان بەتایبەت دوا كۆبونەوەی سەرۆكی هەرێمی كوردستان لەگەڵ سەرجەم حزبە كوردستانییەكان جگە لە گۆران و كۆمەڵی ئیسلامی داواكانی ئەمیری كۆمەڵی ئیسلامی ڕەتكراوەتەوە .
جارێكی تر “عەلی باپیر ” هەوڵی بینینی سەرۆك بارزانی داوەتەوە لە ڕێگەی ( عبدالستار مەجید ) وەزیری كشتوكاڵ لە ڕێگەیەوە پردێكی پەیوەندی لەگەڵ ( فازیل میرانی و كەریم شنگالی ) دروست بكرێت بە مەبەستی چاوی بە (سەرۆك بارزانی ) بكەوێت .
