هۆكاری قه‌ده‌غه‌كردنی هاتوچۆ له به‌ره‌به‌یانی ئه‌مڕۆ له شاری كه‌ركوك بۆچی بوو؟پۆلیسی شار ویستیان چی بكه‌ن؟
خواكوڕك
ئه‌مڕۆ به‌ره‌به‌یان له كاتژمێر 2ی به‌یانیه‌وه تا كاتژمێر 9ی ئه‌مڕۆ به‌یانی هه‌ینی قه‌ده‌غه‌ی هاتوچۆ راگه‌یاندرا،لەشاری كەركوك بەمەبەستی گەڕان و پشكنین.
بەپێی بانگەوازێكی بەپەلەی پۆلیسی شاری كەركوك”كه تێێدا هاتووه و داواده‌كه‌ن ئەمڕۆ هەینی لەكاتژمێر دووی بەرەبەیانی تاكو كاتژمێر نۆی بەیانی هاوڵاتیان پابەندی قەدەغەی هاتوچۆ ببن، بەمەبەستی ئەنجامدانی چەند ڕێوشوێنێكی پێویست.
هاوكات پۆلیس باسیشی لەوەكردووە، ئەم بڕیارە تەنها بۆ پاراستنی ئارامی و ئاسایشی شارەكەیەو بۆ گەڕان و پشكنینە لە گەڕەكەكانی شارو هیچ حاڵەت یاخود كارێكی نەخوازراو ڕووی نەداوە، لە دوای تەواوبوونی گەڕان و پشكنینەكان هێزە ئەمنییەكان وردەكاری و زانیارییەكان ڕادەگەیەنن.
