گه‌نده‌ڵی..مالیكی و حزبه‌كه‌ی پاره‌یه‌كی زۆریان شاردۆته‌وه به بڕی 2ملیار و 400 ملیۆن دۆلاری ئه‌مریكی له بودجه‌ی عێراق
خواكوڕك
گه‌نده‌ڵیه‌كی گه‌وره‌ی حزبه‌كه‌ی مالیكی به دیار كه‌وت له سه‌رۆكایه‌تیكردنی وه‌كو سه‌رۆكی حكومه‌ت له عێراق،كه به‌هاكه‌ی به دوو ملیا و 400 ملیۆن دۆلاری ئه‌مریكی ته‌رخانكراوه و كه هی كه‌رتی تایبه‌ت بووه و له بودجه‌ی گشتی عێراق شاردراوه‌ته‌وه.
(جه‌لاله‌دین سه‌غیر) سه‌ركرده له حزبه‌كه‌ی (عه‌مار حه‌كیم) و په‌رله‌مانتارى پێشووى عێراق، له دیدارێكى ته‌له‌فزیۆنیدا، گه‌نده‌ڵییه‌كى نوورى مالیكی، سه‌رۆك وه‌زیرانى پێشووى عێراق، ئاشكرا ده‌كات و، ڕرایده‌گه‌ێنێت” له ساڵى 2009 گفتوگۆمان له باره‌ى پرۆژه یاسای بودجه‌ى گشتییه‌وه ده‌كرد، ئه‌و كات حكوومه‌ت له كه‌رتى كاره‌بادا له‌گه‌ڵ كۆمپانیا (جه‌نه‌ڕاڵ ئه‌لكتریك) و (سیمینز) ڕێككه‌وتنى كردبوو، كه ده‌بوایه حكوومه‌ت بڕى دوو ملیار و 400 ملیۆن دۆلار به كۆمپانیای یه‌كه‌م بدات”.
سه‌ركرده‌كه‌ی حزبی ده‌عوه باسی له‌وه‌شكرد” كه له گفتوگۆى بودجه‌دا، ئه‌و به‌پێی شاره‌زایی و كه‌سایه‌تى خۆى، ده‌بووه نێوه‌ندگیرى یه‌كلاكه‌ره‌وه‌ى نێوان لایه‌نه سیاسییه‌كان، گوتیشی :” به نوێنه‌رى سیاسی مالیكی_یم گوت، پاره‌ى كاره‌با دیار نییه، ئه‌ویش پێیگوتم وازى لێبهێنه، منیش پێمگوت من باسى چوار و پێنج ملیۆن ناكه‌م، پاره‌یه‌كی زۆره و ده‌بێت به‌و كۆمپانیایه‌ى بده‌ین چۆن له بودجه‌دا دیار نییه ئه‌ى چۆن پاره‌كه‌یان بده‌ینه‌وه، له كانێكدا هیچ بره پاره‌یه‌ك له به‌رده‌ست نیه.؟
سه‌غیر زیاتر ده‌ڵێت دوای روون بووه‌وه كه بڕیارێك دراوه هه‌ر وه‌زاره‌تێك په‌یوه‌نی به‌وپ رسه‌وه هه‌بێت ده‌توانێت له بانكه نێوخۆییه‌كانی عێراق قه‌رزبكات، بۆیه ئه‌مه به‌و واتایه ده‌هات جگه له بودجه‌ی عێراق بودجه‌یه‌كی تر هه‌بووه كه بڕه‌كه‌ی زیاتر بووه له 7 تا 8 ملیار دۆلار و حزبه‌كه‌ی مالیكی خورادوویانه و شاردویانه‌ته‌وه.
