نوێ…ئه‌مریكا پرسی ریفراندۆم و سه‌ربه‌خۆی كوردستان بابه‌تێكی نێوخۆی عێراقه
خواكوڕك
له نوێترین لێدوانی گوته‌بێژی وه‌زاره‌تی ده‌ره‌وه‌ی ئه‌مریكا، سه‌باره‌ت به پرسی ریفراندۆم بۆ سه‌ربه‌خۆی كوردستان، رایده‌گه‌ێنێت” پرسی ریفراندۆم پرسێكی ناوخۆییه ئه‌وله‌ویه‌تی ئێمه، شه‌ڕی داعشه.
له وه‌ڵامی پرسیاری رۆژنامه‌نووسێكی كورد سه‌باره‌ت به پرسی ریفراندۆم بۆ سه‌ربه‌خۆی كوردستان، (هیزه‌ر نۆرێت) گوته‌بێژی وه‌زاره‌تی ده‌ره‌وه‌ی ئه‌مریكا، رایده‌گه‌ێنێت” پرسی ریفراندۆم پرسێكی نێوخۆییه له عێراق، له ئێستاشدا ئێمه سه‌رنجمان له‌سه‌ر شه‌ری داعشه، هه‌ركاتێكیش عێراق سه‌قامگیر بوو خه‌ڵكی به ئارامی ژیان و گه‌ڕانه‌وه سه‌ر ماڵ و حاڵی خۆیان ئه‌وكات، كه عێراق بڕیاریدا و كوردیش بڕیاری ریفراندۆمی دا، ئه‌وه پرسێكی نێوخۆیی ده‌بێت، لای ئێمه ئێستا چاومان له‌سه‌ر شه‌ڕی داعش و كۆتایپێهاتنیه‌تی.
ئه‌م لێدوانه‌ی گوته‌بێژی وه‌زاره‌تی ده‌ره‌وه‌ی ئه‌مریكا له كاتێكدایه، كه له چه‌ند رۆژی رابردوو (مەسعود بارزانی) سەرۆکی هەرێمی کوردستان لە بابەتێکدا کە لە رۆژنامەی واشنتن پۆستی ئەمریکی بڵاویکردووەتەوە، دەڵێت “کاتی هاتووە کورد بڕیار لەبارەی سەربەخۆیی خۆی بدات،داواش لە ئەمریکا و کۆمەڵگەی نێودەوڵەتی دەکات رێز لە بڕیاری گەلی کورد بگرن.
