به‌هۆی ته‌قینه‌وه‌ی لوغمێك له چیایی مامه‌نده‌ی قه‌زای پشده‌ر دوو خوشك بریندار بوون
خواكوڕك
دوێنێ ئێواره له چیایی مامه‌نده له سنوری ناحیەی (هەڵشۆ سه‌ر به قەزای پشدەر) دوو منداڵ لە کاتی یاریکردندا دەستکاری ( لوغم ) دەکەن و پاشان پێیاندا دەتەقێتەوە، بەو هۆیەشەوە بریندار ده‌بن.
به‌پێی راگه‌یندراویك له ڕاگەیاندنی بەڕێوەبەرایەتی پۆلیسی ڕاپەڕین كه بلاوی كردۆته‌وه، و تێیدا هاتووه” دوێنێ ئیواره كاتژمێر 6 ئه‌و لوغمه ته‌قیوه‌ته‌وه به‌و دوو منداڵه و به‌هۆیه‌وه بریندار بوون، بەپێی ڕاپۆرتی پزیشکی نەخۆشخانەی گشتی قەڵادزێ باری تەندروستی هەردوو بریندارەکە ناجێگیرە و بەهۆی سەختی برینەکانیانەوە هەردوکیان بەڕێکران بۆ سلێمانی.
هەردوو منداڵەکە خوشکن بە ناوەکانی ( ک .ح . م ) تەمەن 6 ساڵان و ( هـ . ح . م ) تەمەن 7 ساڵان، ڕووداوەکە لەکاتێکدا بووە کە دایک و باوکی ئەم دوو منداڵە بەمەبەستی کاری ئاژەڵداری لە گوندی (سونێ) سەر بە ناحیەی هەڵشۆ ڕویان کردۆتە چیایی مامەندە، پەڕاوی لێکۆڵینەوە بۆ ڕووداوەکە کراوەتەوە و ڕێکاری یاسایی گیراوەتەبەر.
