ڤیدیۆ:هاوشێوه‌ی وه‌فاتی پێغه‌مبه‌ری محمه‌د(د.خ) مردنی نه‌وشێروان مسته‌فا راگه‌یاندرا
خواكوڕك
ئه‌بوبكری سدیق یه‌كه‌م خه‌لیفه‌ی ئیسلام له‌كاتی وه‌فاتی پێغه‌مبه‌ری خودا، محه‌مه‌د عه‌بدولله(د.خ) له په‌نجه‌ره‌ی ماڵه‌كه‌یه‌وه، فه‌رمووی(مَنْ كَانَ يَعْبُدُ مُحَمَّدًا فَإِنَّ مُحَمَّدًا قَدْ مَاتَ، وَمَنْ كَانَ يَعْبُدُ اللَّهَ فَإِنَّ اللَّهَ حَيٌّ لاَ يَمُوتُ) واتا(هەر کەسێک محەممەدی دەپەرست، محەممەد مرد، بەڵام ئەوەی خودای دەپەرست، خودا زیندووە و نامرێت) به‌هه‌مان شێوه هه‌ڤاڵ ئه‌بوبكر له په‌نجه‌ره‌یه‌كه‌وه سه‌ر ده‌رده‌كات، ده‌لێت ئه‌وه‌ی دوای كاك نه‌وشێروان مسته‌فا كه‌وت وه‌كو شه‌خس ئه‌وه كاك نه‌وشێروان مسته‌فا ئه‌مرۆ وه‌فاتی كرد، رێبازه‌گه‌ی گۆڕانخوازه‌كان زیندووه و نامرێت”.
ئه‌و جۆڕ فۆرمه‌ی راگه‌یاندنه له كاتی وه‌فاتی نه‌وشێروان مسته‌فا بۆته بابه‌تێكی گه‌رم له تۆڕه كۆمه‌ڵایه‌تیه‌كان كه له‌ئێستادا گۆڕان پێناسه‌ی حزبێكی ئیسلامی رادیكاڵ ده‌كات، به‌تایبه‌تی له‌و چه‌ند رۆژی رابردوو، مه‌زارگه‌ی نه‌وشێروان مسته‌فا بۆته شوێنی جێبه‌جێ كردنی نه‌ریتی ئاینی، ته‌وافكردن شیعاراتی به‌پیرۆزكردن و په‌رستنی، كه خۆی ده‌بینێته‌وه له كۆمه‌ڵێك سیناریۆ و شێوازی جیاوازی مێژوو و كرداره‌كانی مێژوو له مردن و سه‌ر مه‌زاره‌كه‌ی دا”.
رێكان سه‌باح نووسه‌ر و رۆژنامه‌نووس له گوتارێكی له به‌شی وتاری ماڵپه‌ری خواكوڕك بڵاو كراوه‌ته‌وه ده‌لێـ”باڵی ره‌وتی شاخ و كۆمه‌ڵی ئیسلامی وه‌ها قۆڕگی گۆڕانیان گرتووه، كه خه‌ریكه ته‌واو گۆڕان له فه‌رهه‌نگی سیاسی خۆیان و ئایدۆلۆژی خۆیاندا، ده‌خنكێنن و ده‌تۆقێنن، ئه‌وه‌تا به‌نه‌رتی ئاینی عاده‌تی، خه‌ریكه ته‌واوی گۆڕان له ئایدۆلۆژی و گۆماوی فكری سیاسی ئیسلامی تووندره، خوسڵ ده‌كه‌ن، ره‌وتی ئیسلامی كرێكار و عه‌لی باپیری خه‌ریكه له خوسڵی ده‌ركردنی گۆڕاندان، قورگی پێشكه‌وتن و سكۆلاریزمی گۆڕانیان له فه‌رهه‌نگی ئیرهابی فكری داوه، نه‌ریتی فكری رێبازی سیاسیان، گۆڕانی به‌رگاوی كردووه، رۆژانه خه‌ریكی راكێشانی گۆڕانن”.
هه‌روه‌ها سه‌باح له وتاره‌كه‌ی دا وه‌ها ده‌نووسێـ”وه‌ها دۆخێك رووی له‌گۆڕان كردووه، خوانه‌خواستا، میراته‌كه‌ی به‌ر عه‌لیه‌كان و كرێكاره‌كان بكه‌وێت، نه‌ك مه‌ترسی رووتی سه‌ركوردستانن، به‌ڵكو شوێندانی داعشێكی كوردی هه‌رزان ده‌بن، كه هه‌موو كۆمه‌ڵگه‌ی كوردستان له‌چه‌قی شاری سلێمانی دا به‌خاك ده‌سپێرن، رێك كابول و تاڵیبانێك ده‌كه‌ن به‌میوان، دیزاینی دوای نه‌وشێروان بۆ گۆڕان له ئیسلامی سیاسی و نه‌ریتی ئاینی راپێچ كردنێكی مه‌ترسیداره!، هه‌رزان ته‌سلیم مه‌بن چیتر له‌ژێر ناوی دژایه‌تی ئه‌م ئه‌ودا، ئه‌و فكره ئیرهابیه، مه‌كه‌نه په‌رژینی خۆكوشتنتان، له‌ژێر ئه‌و ئیرهابیه‌دا، خه‌ریكه كوردستان به‌ده‌وڵه‌تی ئیسلامیه‌كه‌ی تاڵیبان و رۆشه‌نبیری سلێمانیش به‌داعش دیزاین ده‌كه‌ن”.
پشتیوان له‌تیف له تۆڕی كۆمه‌ڵایه‌تی فیسبووك له هه‌ژماری تایبه‌تی خۆی له‌سه‌ر ئه‌و گرته ڤیدیۆیه ده‌لێـ”هەڤاڵ ئەبوبەکر، لەکاتی ڕاگەیاندنی مردنی نەوشیروان مستەفا لە پەنجەرەی ماڵەکەیەوە، هاوشێوه‌ی رووداوی مردنی پێغه‌مبه‌ری خودا، مردنی نه‌وشێروان مسته‌فایی راگه‌یاندوو گوتی من لە یەکەم ڕۆژی مردنی نەوشیروان مستەفاوە، کە ئەو ڤیدیۆیەم بینی خێرا کەوتمەوە یادی ئەبوبەکری سدیق، لەوکاتەی مردنی پەیامبەری ئیسلام ڕادەگەیەنێت”.
هه‌روها ده‌شلێـ”پاش زیاتر لە چل ڕۆژ لە مەرگی ئەو پیاوە، شتگەلێکی سەیر دەبینم و دەخوێنمەوە، کە تێگەیشتنی من بۆ بیری ئەو پیاوە لەق دەکات. مەراسیمی شەوانی رەمەزان و قەدر لەسەر گڵکۆی*”نزرگە” نەوشیروان مستەفا، سوڕانەوە و تەواف کردن، نزاو پاڕانەوە و زیکری شێخ و دەروێش و موریدەکان، دیزاین کردنی گۆڕەکەی. ئەمانە ئاماژە گەلێکن، یان بە هەڵە و سەراوبن لە بیر و بیرکردنەوە و نوسینەکانی نەوشیروان مستەفا تێگەیشتووین، یاخود نەوشیروان مستەفا سیاسی و نوسەرێکی دوالیزم بووە.
