خه‌ڵك زانی بۆچی له‌ئه‌وروپا هاتوونه‌ته‌وه و شار به‌شار ده‌گه‌رێن دژی ریفراندۆم
خواكوڕك
دوو نووسه‌ری به‌ناو ( مه‌ریوان وریا قانع و ئاراس فه‌تاح) ماوه‌یه‌كه له ئه‌وروپا گه‌راونه‌ته‌وه، شار به شاری ده‌گه‌رێن، بۆ دژایه‌تی كردنی ریفراندۆم و ده‌نگدان به نه‌خێر بۆ ریفراندۆم، به‌ڵام له كه‌لاری پایته‌ختی ئه‌نفاڵه‌وه، گه‌نجان رووبه‌روویان ده‌بنه‌وه، هه‌وڵه‌كه‌یان فه‌شه‌ڵ پێدێنن، رای زۆرینه‌ی ئاماده‌بوان، له‌گه‌ڵ سه‌ربه‌خۆی و به‌ڵێ بۆ ریفراندۆم بووه، بۆیه له‌ئامانجی پاشگه‌زكردنه‌وه‌ی خه‌ڵك له سه‌ربه‌خۆی ئه‌و دوو نووسه‌ر فه‌شه‌ڵ دێنن به‌ڵام سه‌رچاوه‌یه‌ك ده‌لێـ” وه‌ك هه‌موو جار چه‌ند هه‌ڵسوراوێكی گۆڕان پاڵپشتی ئه‌و دوو نووسه‌ره‌یان كردووه”.
سه‌رچاوه‌یه‌كی ئاماده بوو، به‌خواكوڕكی راگه‌یاند، كه كاتێك نه‌وه‌ی قانع و ئاراس فه‌تاح هاتن بۆ كۆڕه‌كه، به شێوه‌یه‌كی زۆر تووند دژی ریفراندۆم و سه‌ربه‌خۆی كوردستان قسه‌یان كرد، وا وێنایان ده‌كرد، كه هه‌موو ئاماده‌بوانی كۆڕه‌كه له‌گه‌ڵ ئه‌وان دان، به‌ڵام سه‌ره‌تا فه‌شه‌ڵی كۆره‌كه‌یان، له‌لایان كه‌سێكه‌وه ده‌ستی پێكرد، به‌ناوی بەختیار جەلار كه رووبه‌روویان بوونه‌وه‌و پێانی گوت” بارزان 16 جار سووتێنراوە، ماڵی مەلا مستەفا بارزانی ژمارەیەکی زۆریان ئەنفال کراوە، ئیتر بە چ ڕووێکەوە باسی ماڵی بارزانی دەکەن؟
هه‌ر به‌گوێره‌ی زانیاریه‌كان له كۆڕه‌كه‌دا خه‌ڵكی به‌شداربوو، به‌شێوه‌یه‌كی فره‌وان وه‌ڵامی ئه‌و دوو نووسه‌ریان دایه، له‌باره‌ی ریفراندۆم و سه‌ربه‌خۆی كوردستان، هه‌ر له‌سه‌ر ئه‌و پرسه رزگار ره‌زا چوچیانی نووسه‌ر ده‌لێـ” له‌و ئه‌وروپایه فێنكه، بگه‌رێته‌وه كوردستان بۆ ئه‌و شوێنه گه‌رمه، شار و به‌شار بگه‌رێت، بۆ دژایه‌تی ریفراندۆم، ئه‌مه شتێكی تێدایه، گومانی له‌سه‌ره”.
هه‌ر له‌سه‌ر ئه‌و دوو نووسه‌ره كه له كه‌لاری پایته‌ختی ئه‌نفاڵ كۆڕییان گێرا بۆ دژایه‌تی ریفراندۆم، سه‌رچاوه ئاماده‌بووه‌كه‌ی كۆڕه‌كه ئەوەشی ئاشکرا کرد کە هەردوو نووسەرەکەی سلێمانی بەو قسانەی گەنجانی گەرمیان نیگەران بوون، چونکە پێشبینیی ئەوەیان نەکردووە کە گەنجانی گەرمیان بەو ڕادەیە پشتیوانی لە ڕیفراندۆم و سەربەخۆیی کوردستان بکەن. گوتیشی: تەنانەت لە کۆتایی کۆڕەکەدا مەریوان وریا قانع و ئاراس فەتاح، پەشۆکاوییان پێوە دیار بوو و لە قسەکانیاندا جۆرێک لە پاشەکشەیان لە هەڵوێستی سەرەتایان کرد، بەڵکوو گلەیی ئەوەیان کرد کە (تائێستا نەتوانراوە ئەم هەموو دەنگە جیاوازە یەك بخرێت و گوتارێكی یەكگرتوومان هەبێت)، لە کاتێکدا پێشتر قسەی دیکەیان لەبارەی ڕیفراندۆمەوە کردووە.
