بە وێنە و ڤیدیۆ.. ئاسایشی هەولێر منداڵێكی رفێندراو رزگار دەكات و رفێنەرەكەشی دەستگیردەكات
خواكوڕك
لە راگەیاندراوێكی بەڕێوەبەراتی ئاسایشی هەولێردا هاتووە، دوای دوو رۆژ لە رفاندنی منداڵێك، هێزەكانمان توانیان رفێنەرەكە دەستگیر بكەن و منداڵەكەش بۆ خێزانەكەی بگەڕێننەوە.
ئاسایشی هەولێرئاماژە بەوە دەكات كە لە رێكەوتی 4 ئەم مانگە لە شاری هەولێر، تاوانبار ( قەیس منزر مەحمود ئەلمجمعی) پەلاماری هاووڵاتی ( شێرزاد ئەحمەد خدر) و شاگردەكەی بەناوی ( سولتان) دەدات و هەردووكیان بە سەختی بریندار دەكات، دواتر تاوانبار هەڵدەستێت بە رفاندنی منداڵێكی خاوەنكارەكەی بەناوی (سەرۆك شێرزاد ) بۆ پارێزگای دیالە.
تاوانبار (قەیس منزر)ی بە رەگەز عەرەب لەرێگەی تەلەفونەوە، هەڕەشەی خنكاندنی منداڵە رفێندراوەكەی كردووە، ئەگەر بڕی سی هەزار دۆلاری پێ نەدەن.
تیمەكانی لێكوڵینەوە و ئۆپەراسیۆنەكان لە بەڕێوەبەرایەتی ئاسایشی هەولێر، بەهاوكاری هێزە ئەمنییەكانی دیالە، توانیان شوێنی تاوانبار دەستنیشان بكەن و (سەرۆك شێرزاد)ی رفێندراویش ئازادبكرێت و رادەستی كەسوكارەكەی بكرێت.
