میوه‌ی شوتی باشترین خۆراكی هاوینه‌یه
خواكوڕك
یه‌كێك له‌و به‌روبوومانه‌ی كه‌له‌سه‌ره‌تای وه‌زری هاوین ده‌رده‌كه‌ون، میوه‌ی شووتیه. پسپۆڕانی بواری خۆراكناسی ئامۆژگاری ئه‌و كه‌سانه ده‌كه‌ن كه ده‌یانه‌وێت هه‌میشه پێستێكی تازه و جوانیان هه‌بێت، با خوانه‌كانیان رۆژانه شووتی له‌سه‌ر بێت.
لێكۆلینه‌وه‌كان ده‌ریان خستووه خواردنی شووتی لەش لە وشکبوون دەپارێزێت و شلەی پێویستی بۆ دابین دەکات. هه‌روه‌ها بەھۆی بوونی ڕێژەیەکی زۆری ڤیتامین تیایدا و ھەروەھا بوونی بڕێکی زۆری ئاو لە شووتیدا کە پێست بە شێداریی دەھێڵێتەوە و لەش لە ژەھرەکان پاک دەکاتەوە.
به‌شێكیتر له سوده‌كانی ئه‌م میوه‌یه بریتیه له بوونی ڤیتامین سی، خواردنی ئەو میوەیە سوودێکی زۆری بۆ لەش بەشێوەیەکی گشتی و پێست بە تایبەتی ھەیه. هه‌روه‌ها شووتی جگە لەوەی سوودێکی زۆری ھەیە بۆ تەندروستیی دڵ و کاری چالاک دەکات، ھاوکات مرۆڤ لە توشبوون بە نەخۆشییەکانی دڵ و خوێنبەرەکان دەپارێزێت و فشاری بەرزی خوێن نزم دەکاتەوە.
پسپۆڕان دەڵێن خواردنی شووتی ماسولکەکان چالاک دەکات و ئازارەکانیان ھێوردەکاتەوە و گرژبوونیان چارەسەر دەکات، بۆیە وەک ھێورکەرەوە و ئازارشکێنی ماسولکە سەیر دەکرێت. هه‌روه‌ها خواردنی شووتی بەشێوەیەکی بەردەوام، لەش لە چەندین جۆری شێرپەنجە دوور دەخاتەوە، بەتایبەت شێرپەنجەی پرۆستات، چونکە بڕێکی باش لە ماددەی (لیکۆبین) لەخۆدەگرێت کە دژی دروستبوونی شێرپەنجەیە.
