ئه‌بوبكر كاروانی هیواداره یه‌كێتی ئه‌مه بكات
خواكوڕك
ئه‌بوبكر كاروانی راوێژكاری ئه‌مینداری گشتی یه‌كگرتووی ئیسلامی ده‌لێـ” ئێران لەڕێگەی یەکێتیی نیشتمانیی کوردستانەوە دەیەوێت فشار دروستبکات بۆئەوەی ریفراندۆم ئەنجام نەدرێت. دەشڵێت: هیوادارین سەردانی شاندەکەی یەکێتی بۆ ئێران بە قازانجی ئەنجامدانی ریفراندۆم بشکێتەوە”.
له لێدوانێكی دا بۆ كه‌ناڵی رووداو ئه‌بوبكر كاروانی راوێژكاری ئه‌مینداری گشتی یه‌كگرتووی ئیسلامی كوردستان له‌باره‌ی كۆنگره‌ی (كه‌نه‌كه) سه‌ر به پارتی كرێكارانی كوردستان په‌كه‌كه، له سلێمانی ده‌لێـ”هیوادارام لە راگەیێندراوی کۆتایی سەرکەتووبن، لەبارەیریفراندۆمیش شتێک دابڕێژن لە قازانجی ئاشتبوونەوەی نیشتمانی لە باشووری کوردستان و سەرکەوتنی پرسی ریفراندۆم و سەربەخۆیی بێت، هه‌ر سەبارەت بە دەستوەردانی وڵاتان لە بابەتی بەڕێوەچوونی ریفراندۆمی کوردستان و کاریگەری ئەو کۆنفرانسە راوێژکارییە ئەبوبەکر کاروانی گوتی: “ئەوەی وڵاتانی هانداوە بەو جۆرە جورئەت بکەن و باسی باشووری کوردستان بکەن، کەرتبوونەکانی نێوخۆی هەرێمی کوردستانە، ئەگەر ئێمە ئیرادەیەکی نیشتمانی و نەخشەڕێگایەکی هاوبەشی تەوافوق لەسەرکراومان هەبووایە، پێموایە ئەوان بە تەحەفوزی زیاتر ئەو هەڵوێستانەیان دەردەبڕی، هێشتا چاویان لە دووکەرتبوونی ئێمەیە لە باشووری کوردستان”.
هه‌ر له‌باره‌ی ئه‌و كۆنفراسه راوێژكارییه كه‌نه‌كه‌ی سه‌ر به‌په‌كه‌كه، ئه‌بوبكر كاروانی بۆ رووداو ده‌شلێـ” پێموانییە ئەو کۆنفرانسە راوێژکارییە کاریگەری راستەخۆی لەسەر حیزبەکانی باشووری کوردستان هەبێت، بەڵکو ئەوە حیزبەکانی باشووری کوردستان خۆیانن، بەرپرسەکانی ئەو وڵاتە خۆیانن دەبێت دۆخێکی لەناکاو بۆ سوودوەرگرتن لەکات رابگەیێنن، بۆ ئەوەی زۆرترین سوود لە کات وەربگرن و بەربەستەکانی بەردەم ئەو پرۆسەیە لابدەن، بەو مەبەستەی ئێمە بتوانین سەربەرزانە هەموومان بەناوی گەلی کوردستانی باشوورەوە ریفراندۆمه‌كه بکەین و، سەرکەوتووش بین لە بەرگەگرتن و لێپرسراویێتی قبوڵکردن لە بەرەنجامی ئەو ریفراندۆمه‌ی کە مەسەلەی سەربەخۆیی و دروستکردنی یەکەم کۆماری دیموکراتی کوردستانە لە باشووری کوردستان”.
هه‌ر سه‌باره‌ت به‌چوونی شاندی یه‌كێتی بۆ ئێران و وه فشاره‌كانی ئێران له‌سه‌ر ناوه‌خۆی كوردستان، كاروانی گوتیشی”روونە کە یەکێتی لەچوارچێوەی پرسی ریفراندۆم بۆ ئێران داوەتکراوە، ئەوەش روونە کە دەیانەوێت لەڕێگەی یەکێتی فشار بخەنە سەر هەرێمی کوردستان، بەڵام هیوادارین سەردانی شاندەکەی یەکێتی بۆ ئێران بە قازانجی ئەنجامدانیریفراندۆم بشکێتەوە، دەشڵێت: “ئێمە ژێرقاچمان هێشتا بەهێز نییە، دیدەکانمان هێشتا یەکگرتوو نین، ئیرادەیەکی نیشتمانی بەهێزمان نییە، قابیلی ئەوەیە لەدەرەوە کاری تێبکرێت و فشار کاری تێبکات”.
