كارێكی قیزه‌وه‌ن له هه‌ولێر ئاشكرا كرا كه ژیانی هه‌زاران هاووڵاتی له مه‌ترسی بوو به‌هۆیه‌وه
خواكوڕك
له هه‌ولێر ده‌ست به‌سه‌ر كۆگایه‌كدا داگیراوه كه بڕێكی زۆر خۆراكی به‌سه‌رچووی تێدا بووه و ویستوویانه ساغی بكه‌نه‌وه له بازاڕ و بیده‌ن به هاوڵاتیانی هه‌رێم.
له رۆژی شه‌ممه 15/7/2017 ليژنەی پشکنين وچاودێری بازاڕ لەئەنجامی گەڕان وپشکنينی بەردەوامی ڕۆژانەدا توانیویانه له كۆگایه‌ك ده‌ست بگرن به‌سه‌ر (3) ساردكه‌ره‌وه بڕی(17) تۆن جه‌رگی مریشكی ئیرانی قه‌ده‌غه‌كراو و ماسی ماوه‌به‌سه‌رچوو و گۆشتی سوور و زه‌یتونی ماوه‌به‌سه‌رچوو تێدابوو، بگرن و راسته‌وخۆ خۆراكه‌كان بگوازنه‌وه بۆ زبلخانه و له‌وێ بسووتیندرێت.
به پێی زانیارییه‌كانی (خواكوڕك) ئه‌و كۆگایه لەگەڕەکی (شادی) شاری هه‌ولێر بووه و خاوه‌ن شوێنه‌كه له‌لایه‌ن به‌ڕێوه‌به‌رایه‌تی ئاسایشی هه‌ولێر ده‌ستگیركراوه کاردانەوەی ياسايی بەرامبەرخاوەنەکەی دەکرێت و سه‌رجه‌م كاڵاكان له‌لایه‌ن شاره‌وانی پێنج وشه‌ش گواسترانه‌وه بۆ زبلخانه‌ی ناوه‌ندی هه‌ولێربۆ له‌ناوبردنی .
ليژنەی پشکنين وچاودێری بازاڕ سەر بەقايمقاميەتی قەزای ناوەندی هەولێره‌و پێك هاتووه له به‌ڕێوه‌به‌رایه‌تی چاودێری ته‌ندروستی وبه‌ڕێوه‌به‌رایه‌تی ڤێتێرنه‌ری وبه‌ڕێوه‌به‌رایه‌تی چاودێری بازرگانی وبه‌شی پۆلیسی ڕێك كاری لەگەڵ بەڕێوەبەرايەتی ئاسايشی هەولێر(هۆبەی ئابووری ).
