نازم ده‌باغ: هه‌ركه‌س له‌گه‌ڵ ریفراندۆم و سه‌ربه‌خۆی نه‌بێت خائینه
خواكوڕك
پاش ئه‌وه‌ی ئاژانسی فرانس پرێس له‌سه‌ر زاری نازم ده‌باغ نوێنه‌ری حكومه‌تی هه‌رێمی كوردستان رایگه‌یاند كه ناوبراو رایگه‌یاندووه ریفراندۆم بۆ سه‌ربه‌خۆی كوردستان نیه بۆ فشار خستنه سه‌ر به‌غدایه بۆ چاره‌سه‌ری كێشه‌كانی نێوان هه‌ولێر و به‌غدا، نازم ده‌باغ ده‌لێت به‌هیچ شێوه‌یه‌ك ئه‌و ئه‌و قسانه‌ی بۆ ئه‌و ئاژانسه نه‌كردووه، ده‌شلێـ” ئه‌وه‌ی له‌گه‌ڵ ریفراندۆم و سه‌ربه‌خۆی كوردستان نه‌بێت خائینه”.
له روونكردنه‌وه‌یه‌كدا نازم ده‌باغ نوێنه‌ری حكومه‌تی هه‌رێمی كوردستان له‌ئێران، له‌باره‌ی هه‌واڵێكی ئاژانسی هه‌واڵی فرانس پرێس، ده‌لێـ”به‌داخه‌وه وه‌رگێڕه‌که به پێچه‌وانه‌ی راستییه‌کان قسه‌کانی منی وه‌رگێڕاوه له‌وه‌ی که ریفراندۆم پرۆسه‌یه‌کی تاکتیکییه و من لێره‌دا دووباره‌ی ده‌که‌مه و له چاوپێکه‌وتنه‌که‌شدا هه‌ر وامگوتووه که ریفراندۆم کارتێکه و به مانای ئه‌وه‌یه که رێگایه‌که له رێگاکان بۆ به‌ده‌ستهێنانی مافه‌کانی گهلی کورد له عێراقدا و ده‌شیڵێمه‌وه هه‌ر کوردێکی دڵسۆز پشتیوانی پرۆسه‌ی ریفراندۆم و به‌ده‌ستهێنانی سه‌ربه‌خۆیی نه‌بێت به خائینی داده‌نێم. له‌گه‌ڵ ئه‌وه‌ی لێکدانه‌وه و بۆچوونی جیاواز هه‌یه بۆ ئه‌نجامدانی ئه‌و پرۆسه‌یه”.
هه‌ر له روونكردنه‌وه‌كه‌دا نازم ده‌باغ نوێنه‌ری حكومه‌تی هه‌رێم له تارانی پایته‌ختی هه‌رێمی كوردستان، ده‌شلێـ”له هه‌مان چاوپێکه‌وتنیشدا دڵنیاییم داوه که گهلی کورد ئاماده‌یی هه‌یه بۆ فیداکاریی و قوربانیدان به درێژایی مێژوو و تائێستا و بۆ داهاتووش بۆ به‌ده‌ستهێنانی مافه‌کانی، بۆیه دڵنییاتان ده‌که‌م ناوه‌رۆکی قسه‌کانیشم له‌گه‌ڵ ئاژانسی فرانس پرێسی فه‌ره‌نسی AFP به تۆمارکراویی هه‌یه”.
