سكرتێری رۆژنامەوانی قوباد تاڵەبانی قسەكانی سەرۆكی لیژنەی پیشەسازی و وزە ڕەتدەكاتەوە
خواكوڕك
“سەمیر هەورامی ” سكرتێری رۆژنامەوانی ( قوباد تاڵەبانی ) جێگری سەرۆكی حكومەتی هەرێمی كوردستان ووتەكانی (غالب محەمەد ) سەرۆكی لیژنەی پیشەسازی ووزە و بازرگانی لە ئەنجومەنی پاریزگای سلێمانی ڕەتدەكاتەوەو ڕایگەیاند ” هیچ نوسراوێكی فەرمی نییە قوباد تاڵەبانی ئەو كۆمپانیایەی بەخشی بێت كە بڕی (3) ملیار دینار سزا درابوون لەبەرامبەر هاوردەكردنی (42) تەنكەر كە نزیكەی یەك ملیۆن لیتر بەنزینی خراپ بۆ سلێمانی “.
پێشتر “غالب محەمەد ” سەرۆكی لیژنەی پیشەسازی و وزەو بازرگانی لە ئەنجومەنی پارێزگای سلێمانی ڕایگەیاند بوو “قوباد تاڵەبانی ” ئەو كۆمپانیایەی بەخشیوە كە دەیویست (42 ) تەنكەر بەنزینی خراپ بهێنێتە شاری سلێمانی ،بڕیار بوو بڕی (3) ملیار دینار سزای یاسایی كۆمپانیاكە بدرێت ، بەڵام لەلایەن قوباد تاڵەبانی جێگری سەرۆكی حكومەتی هەرێمی كوردستان بەخشراوە “.
