كاكه‌مین نه‌جار : مه‌رجمان بۆكه‌س نییه‌و حه‌زیش ناكه‌ین كه‌س مه‌رجمان به‌سه‌ردا بسه‌پێنێت
خواكورك
“كاكه مین نه‌جار” ئه‌ندامى مه‌كته‌بى سیاسى پارتى دیموكراتى كوردستان له‌باره‌ى هه‌وڵه‌كان بۆ كاراكردنه‌وه‌ى په‌رله‌مانى كوردستان ڕایگه‌یاند “هه‌وڵه‌كان بۆ كاراكردنه‌وه‌ى په‌رله‌مانى كوردستان به‌رده‌وامن ، گۆران براى ئێمه‌یه و بیست و چوار كورسییان له په‌رله‌مان هه‌یه و خه‌ڵكانێك ده‌نگیان پێداون ، ئه‌وانه‌ى ده‌نگى به‌وان داوه وه‌ك ئێمه شۆرشگێرو كوردپه‌روه‌رن ، ئێمه هیچ ڕێگرییه‌كمان نییه و پێمان باشه په‌رله‌مانى كوردستان كارا بكرێته‌وه ، مه‌رجمان بۆ كه‌س نییه‌و حه‌زیش ناكه‌ین كه‌س مه‌رجمان به‌سه‌ردا بسه‌پێنێت ، هه‌رچه‌نده ئه‌گه‌ر په‌رله‌مانیش كارا نه‌كرێته‌وه یاسایی هه‌ڵبژاردن هه‌یه و كمسیۆنى باڵاى هه‌ڵبژاردن و ڕاپرسى پێكهاتووه‌و ده‌توانرێت ریفراندۆم به‌بێ په‌رله‌مانیش بكرێت ، به‌ڵام په‌رله‌مان كارابكرێته‌وه باشتره له‌وه‌ى به‌بێ په‌رله‌مان بێت .
له‌به‌شێكى ترى قسه‌كانیدا “كاكه‌مین نه‌جار ” ئه‌ندامى مه‌كته‌بى سیاسى پارتى ڕاشیگه‌یاند ” واباشه هه‌موو حزبه‌كان ڕێكه‌ون له‌سه‌ر ئه‌نجامدانى ڕیفراندۆم ، باشتر وایه زۆرترین ده‌نگ بهێنێت ، ئه‌گه‌ر ریفراندۆم 50 +1 بهێنێت جیاوازه له‌وه‌ى له سه‌روى 80% وه بێت ، بڕواى ئێمه‌ش وایه ئه‌گه‌ر حزبه‌كان هه‌موو ڕێكه‌ون ،ئه‌وا ده‌نگێكى یه‌كجار زۆر باش ده‌هێنێت ، ریفراندۆم خه‌ونى میلله‌تى كورده به‌هه‌زاران پێشمه‌رگه له‌و ڕیبازه‌دا شه‌هید بووه ، حزبه‌كان له‌شاخ داواى مافى چاره‌ى خۆنووسینیان كردووه ، ئیستاش كه‌شو هه‌وایه‌ك دروست بووه ئیمه حكومه‌تمان هه‌یه و ناوچه دابراوه‌كانیش به ده‌ست خۆمانه‌وه‌یه و باشترین هه‌له كورد ریفراندۆم بۆ خۆى بكات و بریارى خۆى بدات ، ئه‌وه‌ش په‌یوه‌ندى به پارتى و حزبه‌كانى تره‌وه نییه ، چونكه ئه‌وه مافێكى گه‌لى كورده “.
