رۆژنامه‌یه‌كی ئه‌مریكی: كوردستان وه‌ك به‌هێزترین ناوچه‌ی نێوده‌وڵه‌تی ناسراوه
لە ڕاپۆرتێكی ڕۆژنامەی “واشنگتۆن پۆست ” دا ھاتووە ھەرێمی كوردستان ھەموو قوناغەكانی پێگەیشتنی ئیداری و سیاسی و نێودەوڵەتی خۆیی بڕیوە ،ساڵانێكی زۆرە بە ئاراستەی خۆ پەرەپێدانی بنەڕەتی ھەنگاو دەنێت ، بنەمایەكی بەھێزی بەڕگری بۆ قەیرانە ئابووری و سەربازی و ھەرێمیەكان ھەیە ، لۆژێكی حوكمڕانی تێكەڵی سیاسی و نەتەوەی و ئاینی ڕەچاوكردووە ، لە ھەموو كابینەكانی حكومەتی ھەرێمیش ڕەنگدانەوەی ھەبووە ، ئاسایشێكی بەھێز و جوگرافیایەكی ئابووری لە بار و بە پیتی ھەیە ، توانیویەتی وەكو یەكیك لە بەھێزترین ھەرێمەكانی نێو دەوڵەتێك لە جیھاندا خۆی بەرجەستە بكات”.
نووسەری ڕاپۆرتەكەی واشنگتۆن پۆست “دەیڤد تافوری ” ئاماژە دەكات بەو ھەنگاوە پرتۆكۆڵی و دیپلۆماسیانەی ھەرێم كە ماوەی ١٧ ساڵی ڕابردوو ناویەتی لە دروستكردنی تۆڕیك پەیوەندی درێژخایەن لە گەڵ وڵاتانی جیھان بۆ پاڵپشتی كردنیان لە ئاسیا و ئەوروپا و ئەمەریكا وڵاتانی عەرەب ھاوكات ڕێخۆشكەریش بووە لە ھێنانی زیاتر لە ٥٠ نوینەرایەتی و كونسوڵگەڕی وڵاتانی كارێگەر و بەھێزی جیھان ، ئەم ھەنگاوانە شەریعیەتێكی بەھیزی یاسایی و نێودەوڵەتی داوەتە ھەرێم كە ھەنگاو بەرەو سەربەخۆیی بنێت”.
“دەیڤد تافوری ” دەلێت پروسەی ڕێفراندۆم بەسەر كەوتوویی ئەنجام دەدرێت ، قوناغەكانی دایەلۆگ دوای رێفراندۆم كاریكەر و گرنگ دەبن جگە لەو دەوڵەتانەی پێش وەختە دان بە سەر بەخۆیی كوردستاندا دەنێن ھاوكات دوای پروسەكانی دایەڵۆگ و گوفتوگۆ لە گەڵ بەغداد وڵاتانی ھەرێمی و دراوسێ ئەو ژمارەیە روو لە ھەلكشان دەكات .
لە كوتایدا نوسەر دەڵێت پاڵپشت بە مێژووی ئەم گەلە لە جینوسایدو قڕكردنی بەچەكی كیمانی و لە ناوبردنی بە جۆرەھا میتودی سەربازی و سیاسی و نەتەوەیی و پێشیلكردنی بەردەوامی دەستوری عێراقی لە ساڵی ٢٠٠٥ ەوە تاكو ئەمڕۆ لە لایەن حكومەتە یەك لە دوای یەكەكانی عێراق ، ئارگیومێنت و داواكارییە سیاسی و یاساییەكانی ھەرێم لە كۆمەڵگای نێودەوڵەتی بەھێز دەكات و شەرعیەتی دەداتی و دواجار ھەمووان ناچار دەكات دان بە سەربەخۆیی كوردستان بنڕێت”.
