شاندێكی باڵای یەكێتی گەیشتە مەكۆی سەرەكی بزووتنەوەی گۆڕان
دوای سازدانی هەلبژاردنی ناوخۆی بزووتنەوەی گۆڕان و هەلبژاردنی رێكخەری نوێ بۆ بزووتنەوەكەی شاندێكی باڵای یەكێتیی نیشتمانیی كوردستان، بەسەرۆكایەتی كۆسرەت ڕەسوڵ عەلی، لەگەڵ ڕێكخەری گشتی بزووتنەوەی گۆڕان كۆبووەوە.
بە پێی زانیاریەكانی خواكورك “كەمێك پێش ئێستا، شاندێكی باڵای یەكێتی بەسەرۆكایەتی كۆسرەت رەسوڵ عەلی، جێگری یەكەمی سكرتێری گشتی، بەمەبەستی پیرۆزبایی لە ھەڵبژاردنە ناوخۆییەكەی گۆڕان سەردانی عومەری سەید عەلی و خانەی ڕاپەڕاندی بزووتنەوەی گۆڕانی كرد”.
شایەنی بیرخستنەوەیە كە ڕۆژی چوار شەممە شانددێكی باڵای پارتی دیموكراتی كوردستان، بەسەرۆكایەتی ئەدھەم بارزانی، سەرۆكی ئەنجومەنی سەركردایەتی پارتی لە شاری سلێمانی، بەمەبەستی پیرۆزبایی لە ھەڵبژاردنە ناوخۆییەكەی بزووتنەوەی گۆڕان، سەردانی عومەر سەید عەلی، ڕێكخەری گشتی ئەو بزووتنەوەیەی كرد.
