ووڵاتی سعودیه به درووشمی پێشوازى له حاجیانى ده‌وڵه‌تى كوردستان ده‌كه‌ین پشتگیری خۆی بۆ كوردستان راگه‌یاند
له وڵاتی سعودیه له پێشوازی حاجیانی كوردستان، به عه‌ره‌بی به تابلۆیه‌كی گه‌وره نوسراوه به (پێشوازى له حاجیانى ده‌وڵه‌تى كوردستان ده‌كه‌ین)، وه‌كو رێزێك بۆ خه‌ڵكی كوردستان و حاجیه كورده‌كان كه له ماڵی خودادان.
له‌و باریه‌وه به‌ڕێوبه‌ری گشتی په‌یوه‌ندییه‌كان له وه‌زاره‌تی ئه‌وقاف و كاروباری ئاینی رایده‌گه‌ینێت” ئه‌م ساڵ وه‌كو رێزێك بۆ میلله‌تی كورد و حاجیه كورده‌كان كه له ووڵاتی سعودیه‌ن به مه‌به‌ستی به‌جێگه‌یاندنی فه‌ریزه‌ی حه‌ج، به تابلۆیه‌كی گه‌وره له پێشوازی حاجیان و وه‌فدی كوردی سه‌ر به وه‌زاره‌تی ئه‌وقاف نووسراوه (پێشوازى له حاجیانى ده‌وڵه‌تى كوردستان ده‌كه‌ین)، ئه‌مه‌ش ئاماژه‌یه‌كی روونه بۆ پشتگیركردنی ووڵاتی سعودیه له خه‌ڵكی كوردستان و ده‌وڵه‌تی كوردستان، چونكه ئه‌م تابلۆیه له به‌شیكی زۆر له مزگه‌وت و شوێنه پیرۆزه‌كانی تری ئه‌و ووڵاته نوسراوه.
(مه‌ریوان نه‌قشبه‌ندی) به‌ڕێوه‌به‌ری په‌یه‌وه‌ندییه‌كان له وه‌زاره‌تی ئه‌و قاف ئه‌وه‌شی گوتوه” كه پێشتریش كه كاتێك باسی ریفراندۆم و سه‌ربه‌خۆی كوردستانیش له ئارادا نه‌بوو، ووڵاتی سعودیه وه‌كو رێزێك هه‌میشه ئه‌و تابلۆیه‌یی داده‌نا و ریزی له كوردستان و حاجیه كورده‌كان ده‌گرت.
