له‌سه‌ر شنگال داوای دادگایی مالیكی ده‌كرێت
شوان محه‌مه‌د ئه‌ندامی ئه‌نجوومه‌نی باڵای كۆمه‌ڵه‌ی داكۆكیكار له مافی و قوربانییه‌كانی ئه‌نفال و گه‌رمیان له‌ساڵیادی جینۆسایدی قه‌زای شنگال و ئیزدیه‌كان له‌لایان داعشه‌وه، رایگه‌یاند،لە سەرەتای مانگی شەشی ساڵی 2014دا لەو كاتەدا كە چەكدارانی تیرۆریستی داعش لە خاكی سووریاوە دزەیان كردە خاكی عێراق و ناوچە كوردستانییەكان، ئەوكات نووری مالیكی سەرۆك وەزیرانی عێراق بوو و دەستبەجێ سوپا زەبەلاحەكەی رادەست بەچەكدارانی داعش بوون”.
ئه‌مرۆ پێنج شه‌ممه سێ ساڵ به‌سه‌ر جینۆسایدی ئێزیدیه‌كان، له شنگال تێپه‌ر ده‌بێت، رێكخراوه‌كانی ئه‌نفال و تاقانه‌كانی ئه‌نفاڵ له‌و باره‌یه‌وه داوای دادگایی كردنی نوری مالیكی سه‌رۆكوه‌زیرانی عێراق پێشوو ده‌كه‌ن، چاودێرێكی سیاسیش ده‌لێت ئه‌گه‌ر هه‌ندێك لایان له‌به‌رامبه‌ر ئیمتیاز واز له مالیكی و به‌رگری كردنی بهێنن، ئه‌وه جینۆسایدی شنگال به‌روونی ده‌كه‌وێته سه‌ر مالیكی و دادگاییش ده‌كرێت”.
