پارتی و یه‌كێتی له‌كۆبوونه‌وه‌ی سبه‌ی پرسه گرینگه‌كان یه‌كڵاده‌كه‌نه‌وه
گوته‌بێژی مه‌كته‌بی سیاسی پارتی دیموكراتی كوردستان له‌باره‌ی كۆبوونه‌وه‌ی یه‌كێتی و پارتی كه وابریاره سبه‌ی سێشه‌ممه،8ی8ی 2017، شاندێكی باڵای مه‌كته‌بی سیاسی پارتی دیموكراتی كوردستان و یه‌كێتی نیشتیمانی كوردستان، كۆده‌بنه‌وه، پرسگه‌لێكی گرینگ ده‌خه‌نه به‌ر باس”.
محمود محه‌مه‌د ئه‌ندامی مه‌كته‌بی سیاسی و گوته‌بێژی مه‌كته‌بی سیاسی پارتی، له لێدوانێكی دا له‌باره‌ی كۆبوونه‌وه‌ی پارتی و یه‌كێتی رایگه‌یاند”كۆبوونه‌وه‌كه‌ی سبه‌ینێ، درێژكراوه‌ی كۆبوونه‌وه‌كانی مه‌كته‌بی سیاسیی پارتی دیموكراتی كوردستان و یه‌كێتیی نیشتیمانیی كوردستانه. له كۆبوونه‌وه‌كه‌دا پڕۆسه‌ی سیاسیی هه‌رێمی كوردستان، بابه‌تی كاراكردنه‌وه‌ی په‌رله‌مانی كوردستان، دۆخی سیاسی و ئه‌منیی ناوچه‌كه به گشتی، هاوكات پێشهاته‌كان و پێوه‌ندییه‌كانی نێوان هه‌ردوو لا، گفتوگۆیان له‌باره‌وه ده‌كرێ.”
