كۆنسوڵی فه‌ره‌نسا بۆ بارزانی: سه‌رسامم به قاره‌مانیه‌تی هێزی پێشمه‌رگه
خواكوڕك
مەسعود بارزانی سەرۆكی هەرێمی كوردستان پێشوازی لە ئاڵان كیپغات كونسوڵی فەڕەنسا لە هەولێر كرد. به‌پێی هه‌واڵی سایتی فه‌رمی سه‌رۆكایه‌تی هه‌رێمی كوردستان ڕۆژی دووشەممە 22ـی ئابی 2016 له سه‌لاحه‌دین سه‌رۆكی هه‌رێم پێشوازی له كۆنسڵی فه‌ره‌نسا له هه‌ولێر ده‌كات.
له سه‌ردانه‌كه‌یدا كه به‌بۆنه‌ی كۆتایی ماوه‌ی پۆسته دبلۆماسیه‌كه‌ی له‌هه‌ولێر ئه‌نجامی دابوو هاتووه: چوارساڵی خزمەتی خۆی لە كوردستان بە چوارساڵی گرنگ و پڕبایەخی ژیانی خۆی وەسف كرد و ستاییشی فەرهەنگی میوانداری و پێكەوەژیان و كراوەیی گەلی كوردستانی كرد. سەرسامیشی خۆی بە پێشمەرگە و دەزگاكانی ئاساییشی هەرێم دەربڕی كە لەگەڵ بوونی هەڕەشەی جۆراوجۆر كەشێكی ئارام و پڕ لە ئاساییشیان بۆ خەڵكی كوردستان و بیانییەكان دروست كردووە.
كونسوڵی فەڕەنسا پێزانینی بۆ ڕۆڵی سەرۆك بارزانی لە شەڕی تیرۆر و چارەسەركدنی گرفتەكان هەبوو و ڕایگەیاند كە جیهان و ناوچەكە پێویستە سوود لە ئەزموونی سەرۆك بارزانی وەربگرن لە تێپەڕاندنی تەحەدیاتی تیرۆر و ململانێی تاییفی و ناوچەیی.
لەبەرانبەردا سەرۆك بارزانی پێزانینی بۆ ڕۆڵی كونسوڵی فەڕەنسا هەبوو لە فراوانكردنی پەیوەندییەكانی هەردوولا و هیوای سەركەوتنی بۆ خواست. هەروەها سوپاسی سەرۆك و گەل و حكوومەتی فەڕەنسای كرد كە لە ڕۆژە سەختەكاندا پشتیوانی گەلی كوردستان بوونە.
هەر لەم دیدارەدا باس لە گۆڕانكارییە سیاسییەكانی ناوچەكە كرا و بیروڕا لەبارەی هەڕەشەكانی تیرۆر و كۆسپ و تەگەرەكانی بەردەم ئازادكردنی موسڵ و قۆناغی دوای ئازادكردنی موسڵ ئاڵوگۆڕ كرا.
