فرسه‌ت سۆفی:په‌رله‌مانتارانی كه‌مپینی نه‌خێر پێش نیشتیمان خیانه‌تیان له حزبه‌كانیان و ده‌نگی ده‌نگه‌ده‌رانیان كردووه
په‌رله‌مانتاریكی كوردستان له‌سه‌ر كه‌مپینی نه‌خێر به وه‌ڵام هات و رایده‌گه‌ێنێت” په‌رله‌مانتارانی كه‌مپینی نه‌خێر كاتێك بووند به دژی به‌رژه‌وه‌ندییه باڵاكانی میلله‌ت و گه‌له‌كه‌مان ئه‌وا سوێندی یاساییان شكاند.
(د.فرسه‌ت سۆفی) په‌رله‌مانتاری پارتی له په‌رله‌مانی كوردستان رایگه‌یاند”ئێستا له رووی یاسایی ناتواندرێت هیچ بوترێت، ناوێكی ته‌واوو یاسایی له‌و براده‌رانه بنرێت، كه په‌رله‌مانتاران و به‌شدران له كه‌مپینی نه‌خێر، به‌ڵام له رووی ئه‌خلاقی و هه‌ڵوێستی نیشتیمانیه‌وه ئه‌وه‌ی كردوویانه كارێكی زۆر خراپ و نا په‌سه‌نده، له‌به‌ر ئه‌وه‌ی په‌رله‌مانتار هه كار و باری ئه‌وه نیه بڕوات یاسا ده‌ربكات و خۆی بنوێنێ، به‌ڵكو په‌رله‌مانتار به‌پرسه له ئاستی ده‌نگی ده‌نگده‌ران و په‌یام و به‌رنامه‌ی حزبه‌كه‌ی له كاتی هه‌ڵبژاردن، كه به‌شێكی زۆری حزبه سیاسیه‌كانی كوردستان یه‌كه‌م كاریان له كاری سیاسی بریتیه له سه‌ربه‌خۆی كوردستان، نه‌ك پشت كردنه كوردستان.
په‌رله‌مانتاره‌كه‌ی كوردستان ئه‌وه‌شی گوتوه” له حه‌قیقه‌تدا ئه‌وه روونبووه‌ته‌وه ئه‌و په‌رله‌مانتارانه پێش ئه‌وه‌ی خیانه‌تیان له نیشتیمان و ئاڵا و خوێنی شه‌هیدان كردبێ، خیانه‌تیان له حزبه‌كانیان و ده‌نگی ده‌نگده‌رانیان كردووه، چونكه په‌رله‌مانتار پێش بوون به په‌رله‌مانتار، سوێند ده‌خوات كه دژی به‌رژه‌وه‌ندییه‌كانی میله‌لته‌كه‌ی نه‌بێت، هه‌روه‌ها په‌یوه‌ست بوونی ئه‌وان به‌نده به‌وه‌وه چونكه ئه‌وان ئێستا ئه‌و سوێنده‌یان شكاند و دژی ووڵات وه‌ستاونه‌ته‌وه.
