شاندی باڵای هه‌رێم بۆ دانووستاندن له‌گه‌ڵ به‌غدا له‌گه‌ڵ بارزانی كۆده‌بنه‌وه
له‌باره‌ی كۆبوونه‌وه‌كانی وه‌ڤدی ئه‌نجوومه‌نی باڵای ریفراندۆم بۆ به‌غدا، كه پێكهاته‌یه له ئه‌نجوومه‌نی باڵای ریفراندۆم،ماجد عوسمان بازرگان ئەندامی شاندی ھەرێمی کوردستان بۆ بەغدا راگەیاند، بڕیارە ئەم دوایی نیوه‌ڕۆیه، شاندی ھەرێمی کوردستان بۆ بەغدا لەگەڵ سەرۆکی ھەرێمی کوردستان کۆ ببێتەوە، تا ئەجێندا و بەرنامەی شانده‌كه بۆ گفتوگۆ له‌گه‌ڵ كاربه‌ده‌ستانی بەغدا، بخه‌نه به‌ر باسه‌وه”.
عوسمان بازرگان كه نوێنه‌رایه‌تیی توركمان له ئه‌نجوومه‌نی باڵای ریفراندۆم، هه‌روه‌ها ئه‌وه‌شی بۆ ماڵپه‌ری فه‌رمی پارتی ئاشكرا كردووه” لەم ھەفتەیه‌دا سەردانی بەغدا دەکەین و رەنگە سبەی سەردانەکە ئەنجام بدرێت؛ لەوسەردانەشدا لەگەڵ ھەموو لایەنەکانی بەغدا کۆبوونەوە لەبارەی پرۆسەی ریفراندۆم ئەنجام بدەین”.
هاوكات رۆمیۆ ھەکاری ئەندامی شاندی ھەرێم بۆ بەغدا، به‌هه‌مان ماڵپه‌ری راگه‌یاندووه” دەمانەوێت پێش ئەوەی سەردانی بەغدا بکەین، لەنێوخۆماندا بۆ دانانی ئەجیندای سەردانەکەمان کۆبوونەوەیەک ئەنجام بدەین و رۆژەکەش بۆ سەردانی بەغدا دیاری دەکەین”.
