فەلاح مستەفا: توركیا و ئێران دڵنیا دەكەینەوە ریفراندۆم لەدژی ئەوان نیە
فەلاح مستەفا بەرپرسی پەیوەندیەكانی دەرەوەی حكومەتی هەرێم لە چاوپێكەوتنێكیدا لەگەڵ ماڵپەری دەیلی تایمزی بەریتانی رایگەیاند، وڵاتانی توركیا و ئێران دڵنیا دەكەنەوە كە ریفراندۆمی هەرێم لەدژی بەرژەوەندی وڵاتەكانیان نابێت و هیوا خوازیشین كوردستانێكی سەربەخۆ ببێتە هاوبەش و هاوپەیمانی وڵاتانی دراوسێ.
فەلاح مستەفا ئاماژەی بەوەشدا، لەدوای ئەنجامدانی ریفراندۆم بڕیار لەسەر ئەوە دەدرێت سیستەمی حكومڕانی پەرلەمانی دەبێت یاخود سەرۆكایەتی، حكومەتی هەرێم هەوڵدەدات لە رێگەی دانوستانەوە لەگەڵ بەغداد یان لەر ێگەی ریفراندۆمێكی دیكەوە چارەنوسی ناوچە كوردستانیەكانی دەرەوەی ئیدارەی هەرێم یەكلابكاتەوە.
ناوبراو باسی لەوەشكرد، لە ریفراندۆمەكەدا دەنگی بەڵێ و دەنگی نەخێر بوونی دەبێت كە هەردووكی لە دیموكراسیەتدا قبوڵكراوە و پێویستە دواجار هەموو لایەنەكانی حكومەت رێز لەدەنگی زۆرینە بگرن.
