سلێمانی.. پانێڵێك بۆ ڕیفراندۆم سەرجەم لایەنە سیاسییەكانی ھەرێمی كوردستان كۆ دەكاتەوە
پرسی سازادنی ریفراندۆم لە هەرێمی كوردستان لە ئێستادا مژاری گەرمی ناوەندە ئەكادیمی و سیاسی و میدیایەكانە بۆ شرۆڤەكردنی ئەم هەنگاوەی هەرێمی كوردستان كە پەیوەستە بە چارەنوسی كوردستان رۆژانە دیدارو پانێلی تایبەت بەڕێوەدەچێت, هەر بۆئەم مەبەستە ئەمڕۆ یەكشەممە، ناوەندی سەربەخۆی كوردستان، پانێڵێكی بۆ نوێنەرانی شەش لایەنی سیاسی لەبارەی ڕوونكردنەوەی ھەڵوێسی لایەنەكانیان لەسەر ئەنجامدانی ڕیفراندۆمی ھەرێمی كوردستان ڕێكخست.
ئەمڕۆ یەك شەممە ١٣/٨/٢٠١٧ ناوەندی سەربەخۆی كوردستان، پانێڵێكی بۆ ھەریەك لە نوێنەری پارتی دیموكراتی كوردستان، یەكێتیی نیشتمانیی كوردستان، بزووتنەوەی گۆڕان، كۆمەڵی ئیسلامی، حزبی كۆمەنیستی كرێكاری كوردستان، بەمەبەستی دیالۆگی لایەنەكان دەربارەی ڕیفراندۆم، سەربەخۆیی و دامەزراندنی دەوڵەت لە كوردستان ئەنجام دەدات.
بورھان عەبدولڕەحمان، نوێنەری یەكێتیی نیشتمانیی كوردستان لە بارەی پانێلەكەو ریفراندۆم رایگەیاندووە: “ریفراندۆم بە پرسێكی نیشتمانیی گرنگ دەزانین، ھەڵوێستی یەكێتی بۆ ئەو پرسە ڕوونە، ئێمە ھەر لەسەرەتایی دامەزراندی حیزبەكەمانەوە، ئەمانجی سەرەكیمان دامەزراندی دەوڵەتی كوردی بووە”.
نوێنەرەكەی یەكێتی لە پانێڵەكەی ناوەندی سەربەخۆی كوردستان، ئەوەشی روون كردەوە: “ئەمڕۆ بە ئامادەبوونی نوێنەری بەشێك لە حزبە كوردستانییەكان بەشێوەیەكی چڕ و پڕ باسی ڕیفراندۆمی ھەرێمی كوردستان دەكەین”.
