یوسف محمد ئیمزای 40 ئه‌ندام په‌رله‌مان پشگوێ ده‌خات
خواكوڕك
دوای ئه‌وه‌ی رۆژی 21/8/2016 له به‌رنامه‌ی تاوتوێی كه‌ناڵی nrt يوسف محه‌مه‌د سه‌رۆكی له‌كارخراوی په‌رله‌مان ووتی، پرۆژه یاسای سه‌رۆكایه‌تی هه‌رێم به واژۆی 41 ئه‌ندامی په‌رله‌مان خرایه به‌رنامه‌ی كاری په‌رله‌مانه‌وه، من وه‌كو سه‌رۆكی په‌رله‌مان به‌هیچ شێوه‌یه‌ك نه‌مده‌توانی ئه‌م پرۆژه راگرم، چونكه ژماره‌ی واژۆی په‌رله‌مانتاره‌كان زیاتربوو له رێژه‌ی یه‌ك له‌سه‌ر سێ ژماره‌ی كۆی په‌رله‌مانتاره‌كان.
له‌وه‌ڵامی ئه‌و قسه‌یه‌ی یوسف محه‌مه‌د، له راگه‌یاندراوێكدا به‌هار عه‌بدولره‌حمان ئه‌ندام په‌رله‌مانی كوردستان – یه‌كگرتوو، ده‌ڵێت: بیرت چوو كە وەك بڕیاردەری لێژنەی پێشمەرگه، داوام كرد هەمواری بریاری ژماره ١٩ كە تایبەته به باشكردنی ژیانی پێشمەرگە بیخەیته بەرنامەی كار، وتت قەیرانی داراییه حكومەت لەكوێی بوو ئەوه بكات، له كاتیكدا پرۆژەكە ٤٠ پەرلەمانتار واژۆی كرد بوو.
رۆژی 22ی ئابی 2016 به‌هار عه‌بدولره‌حمان ئەندام پەرلەمانی كوردستان – یەكگرتوو، لە روونكردنەوەیەكدا هێرشی تووند دەكاتە سەر یوسف محمەد سەرۆكی لەكارخراوی پەرلەمان و دەڵێت: بیرت چوو پێمان دەوتی هۆلی پەرلەمان لە سوق عكاف دەچێت، تكایه با شوینی خزمەتی خەلك و دەركرنی یاسا بیت نەك شوێنی موزایەدە و وتار خویندنەوه.
