حكومه‌ت چه‌ند هه‌لێكی كاری راگه‌یاند

خواكوڕك

بەڕێوەبەڕایەتیی گشتیی كاروباری مینی هەولێر، ده‌رفه‌تی كار بۆ ئه‌و كه‌سانه‌ ده‌ره‌خسێنێت كه‌ پسپۆرن له‌بواری هه‌ڵگرتنه‌وه‌ی مین. به‌پێی ئه‌و نووسراوه‌ی كه‌له‌ به‌رێوه‌به‌رایه‌تیه‌كه‌ ده‌رچووه‌، كارمه‌ندی تایبه‌ت به‌ هه‌ڵگرتنه‌وه‌ی مین به‌شێوه‌ی گرێبه‌ست و به‌ مووچه‌ی ملیۆنێك و په‌نجا هه‌زار دینار داده‌مه‌زرێت.

شوێنی جوگرافی ئه‌م هه‌لی كاره‌ ده‌كه‌وێته‌ سنووری كارگێڕیی شارۆكەی سۆران، رواندز، چۆمان و شەقڵاو و دەوروبەریان. ئه‌م فۆرمه‌ ده‌ست به‌دابه‌ش كردنی كراوه‌ له‌ 21ی ئه‌م مانگه‌وه‌ و دوامۆڵه‌ت بۆ گه‌ڕانه‌وه‌ی فۆرمه‌كان 29/8/2016 دانراوه‌.

به‌ڕێوه‌به‌رایه‌تیه‌كه‌ چه‌ند خاڵێكی وه‌كو مه‌رج دیاری كردووه‌ بۆ ئه‌و كه‌سانه‌ فۆرمه‌كان پڕده‌كه‌نه‌وه‌، و هاتووه‌: ئەو كەسەی ئارەزووی كاركردنی هەیە و فۆڕمی دامەزراندن پڕ دەكاتەوە، دەبێت لە 18 ساڵ بچووكتر نەبێت و لە 30 ساڵ گەورەتر نەبێت، هەروەها هیچ مووچەیەكی تری نەبێت لە دامودەزگە حكوومەتییەكان، تەندروست و لەشساغ بێت و لە پشكنین دەربچێت و بەلایەنی كەمەوە دەرچووی ئامادەیی بێت.