بارزانی كۆتایی هێنا به گفتوگۆی دواخستنی ریفراندۆم
مه‌سعود بارزانی سه‌رۆكی هه‌رێمی كوردستان له كۆڕێكی جه‌ماوه‌ری دا له‌شاری هه‌ولێر كۆتایی به‌گفتوگۆی دواخستنی ریفراندۆم هێناو رایگه‌یاند، كه شاندی هه‌رێمی كوردستان بۆ به‌غدا بۆ پاش ریفراندۆم گفتوگۆ ده‌كه‌ن و ده‌لێـ”ئه‌و شانده‌ی ئه‌نجومه‌نی باڵای ریفراندۆم كه بۆ گفتوگۆ چوونه‌ته به‌غدا، بۆ پرسی فیدراڵیه‌ت و بوودجه‌ی هه‌رێمی كوردستان نه‌چوون، به‌ڵكو بۆ بارودۆخی پاش قۆناغی ریفراندۆم چوونه‌ته به‌غدا. جه‌ختی له‌سه‌ر ئه‌وه‌شكردووه كه له ژێر هیچ فشارێكدا ریفراندۆم دواناخرێت و له 25/9/2017 ئه‌نجام ده‌درێت”.
مه‌سعود بارزانی سه‌رۆكی هه‌رێمی كوردستان هه‌ر له كۆڕه‌كه‌ی دا كه له‌شاری هه‌ولێر له‌گه‌ڵ چین و توێژه‌كان ئه‌نجامدرابوو، رایگه‌یاند “ئێمه پێویستمان به كوردستانێكی سه‌ربه‌خۆیه تا ببینه دوو دراوسێی باش له‌گه‌ڵ عێراقدا، زۆرمان هه‌وڵدا و به هه‌موو شێوه‌یه‌ك تا په‌یوه‌ندییه‌كانمان له‌گه‌ڵ به‌غدا باش بكه‌ین، به‌ڵام هه‌موو هه‌وڵه‌كانمانیان شكست پێهێنا، هه‌وره‌ها سه‌رۆكی هه‌رێمی كوردستان خاڵی خستووه‌ته سه‌ر پیته‌كان و رایگه‌یاندووه “شاندمان بۆ ده‌ستپێكردنه‌وه‌ی دانووستان له‌باره‌ی فیدراڵیه‌ت و پرسه‌كانی بوودجه نه‌ناردۆته به‌غدا و گوتوویه‌تی ” ئێمە نامانەوێ دەوڵەتێکی نەتەوەیی بۆ نەتەوەی کورد دروست بکەین، بەڵکو دەمانەوێ دەوڵەتێکی دیموکراسی، فرە هەرێم و فرە ئایین لەسەر بنەمای هاووڵاتیبوون دروست بکەین”.
مه‌سعود بارزانی هه‌روه‌ها راشی گه‌یاند”له ژێر هیچ فشاریكدا ریفراندۆم دواناخه‌ین، ئه‌وانه‌ی ده‌ڵێن كاته‌كه گونجاو نییه، ئێمه‌ش پێیان ده‌ڵێن “ئه‌ی كاته‌كه كه‌یه و جێگره‌وه‌ی باشتر چییه؟”.
