موژه‌ده‌یه‌ك له وه‌زاره‌تی ته‌ندروستیه‌وه بۆ پزیشك و كارمه‌ندانی ته‌ندروستی
گوته‌بێژى وه‌زاره‌تى ته‌ندروستیى حكوومه‌تى هه‌رێمى كوردستان باس له پێدانی پاره‌ی هاندانی پزیشك و كارمه‌ندانی ته‌ندروستی ده‌كات و رایده‌گه‌ێنێت” له هه‌فته‌ی ئاینده پاره‌كه له رێی به‌ڕێوبه‌رایه‌تی گشتیه‌كاندا دابه‌شده‌كریت.
(د. خاڵس قادر ئه‌حمه‌د) گوته‌بێژی وه‌زاره‌تی ته‌ندروستی حكومه‌تی هه‌رێمی كوردستان، رایگه‌یاندوه” پاره‌ى مانگى 3ی هاندان ده‌درێت به پزیشك و كارمه‌ندانى ته‌ندروستى، پێشتریش بڕیار بوو هه‌ركاتێك مووچه‌ى وه‌زاره‌تى ته‌ندروستى دابه‌ش بكرێت، دواى مووچه پاره‌ى هاندان بدرێت، پاره‌كه‌ش له رێگای به‌ڕێوبه‌رایه‌تیه گشتیه‌كانه‌وه ده‌بێت.
(د. خاڵس) گوته‌بێژی وه‌زاره‌تی ته‌ندروستی ئه‌وه‌شی گوتوه” كه بڕى پاره‌كه 4 ملیار و 100 ملیۆن دیناره وه‌كو پاره‌ى هاندان و ئێشكگرى ده‌درێت به ته‌واوى به‌رێوبه‌رایه‌تییه گشتییه‌كان، بۆ پزیشكان و كارمه‌ندانى ته‌ندروستى هه‌ر به‌رێوبه‌رایه‌تییه‌كیش به‌پێى پێویستیی خۆى دابه‌شى ده‌كات، چونكه ده‌سه‌ڵاتى دابه‌شكردنیان پێ دراوه، وه‌ك ده‌زاندرێت پاره‌كه‌ش وه‌كو هاندانێكه، و دابه‌شده‌كریت به سه‌ر كارمه‌ندان و پزیشكانی سه‌ر به‌وه‌زاره‌ت.
