كۆبوونه‌وه‌ی بارزانی و وه‌زیری به‌رگری ئه‌مریكا به‌رده‌وامه
ئه‌مرۆ پاش سه‌ردانی بۆ به‌غدا وه‌زیری به‌رگری ئه‌مریكا به‌سه‌ردانی فه‌رمی گه‌یشته پایته‌ختی كوردستان و له‌لایان قوباد تاڵه‌بانی جێگری وه‌زیری ده‌ره‌وه‌ی ئه‌مریكا پێشوازی لێكرا، پاشان له‌گه‌ڵ مه‌سعود بارزانی سه‌رۆكی هه‌رێمی كوردستان كۆ بوونه‌وه تا ئێستا كۆبوونه‌وه‌ی بارزانی و وه‌زیری ده‌ره‌وه‌ی ئه‌مریكا به‌رده‌وامه،
به‌گوێره‌ی زانیاریه‌كانی ده‌ستی خواكوڕك كه‌وتووه، له كۆبوونه‌وه‌كه‌دا هه‌ریه‌كه له کۆسرەت رەسوڵ، جێگری سەرۆکی هەرێمی کوردستان، قوباد تاڵەبانی، جێگری سەرۆکوەزیران، فوئاد حوسێن، سەرۆکی دیوانی سەرۆکایەتیی هەرێمی کوردستان، د. رۆژ نووری شاوێس، کەریم شنگالی، وەزیری ناوخۆ و وەزیری پێشمەرگە بەوەکالەت، فەلاح مستەفا، بەرپرسی فەرمانگەی پەیوەندییەکانی دەرەوە، شێخ جەعفەر و ژمارەیەک بەرپرسی دیکە بەشدارن.
هاوکات هەریەک لە برێت مەکگۆرک، نوێنەری سەرۆکی ئەمریکا بۆ شەڕی دژی داعش، باڵیۆزی ئەمریکا لە عێراق، کونسوڵی ئەمریکا لە هەولێر و ژمارەیەک بەرپرس و ژەنەڕاڵی ئەمریکی یاوەری جەیمس ماتیس دەکەن.
دوای سەردانەکەی بۆ ئوردن و کۆبوونەوە لەگەڵ شا عەبدوڵڵا، بەرەبەیانی رۆژی سێشەممە 22-8-2017 جەیمس ماتیس، وەزیری بەرگریی ئەمریکا بە سەردانێکی فەرمی گەیشتە بەغدا و لەگەڵ حەیدەر عەبادی، سەرۆکوەزیرانی عێراق کۆبووەوە، ئێوارەش گەیشتە شاری هەولێر، دوای کۆبوونەوەی لەگەڵ بارزانی و بەرپرسانی باڵای هەرێمی کوردستان، بڕیارە جەیمس ماتیس هەولێر جێبێڵێ و بچێتە تورکیا، لەوێش لەگەڵ رەجەب تەیب ئەردۆغان، سەرۆککۆمار و بەرپرسانی باڵای سەربازیی ئەو وڵاتە کۆببێتەوە.
